DANIEL 9:15 - BIBEL JAMITA NA DENGGAN

¹⁵ Ale Tuhan Debatanami, madung dipatuduHon Ho kuasoMu marhite na maroban bangsoMi haruar sian Mesir, jana laing siingoton do tongtong kuasoMi. Madung mardosa hami jana mambaen hasalaan.

DANIEL 9:15 ပူးပေါင်းရင်းမြစ်များ

1 RAJA-RAJA 8:51

BangsoMu sandiri do halahi na dung niobanMu haruar sian Mesir na songon naroko i.”

2 RAJA-RAJA 21:15

BaenonKu ma sudena i tu bangsongKu hara ni na mardosa halahi tu Au jana dipasunggul-sunggul halahi murukKu mamungka sian parruar ni ompu ni halahi sian Mesir lopus tu sadari on.”

2 JUJUR TAON 6:37

jana muda sian ias ni rohana jana marsitutu halahi manadingkon angka dosana di luat i jana martangiang tu Ho mangadop tu luat na nilehenMon tu ompu ni halahi, mangadop tu kota na nipiliMu dohot tu bagas paribadatan na dung hupajongjong on di Ho,

NEHEMIA 1:10

Tuhan, angka naposoMu do hami on, halakMu sandiri na dung nipaluaMu dohot kuaso bope dohot hagogoonmu na sumurung i.

NEHEMIA 1:6

Tatap ma au Tuhan, jana tangihon ma tangiang na hupagincat tu adopanMu arian dohot borngin salaho tu halak Israel, angka naposoMi. Huoku do anggo hami bangso Israel madung mardosa; salangkan au pe dohot angka daompung na dung mardosa muse do.

NEHEMIA 9:10

Dibaen Ho do hahomangan tu raja i, maradopkon pagawe maradu sude rayat di luatna i, dibaen diboto Ho do bangsoMi na niparkancitan ni halahi, gabe tarbonggal ma lopus tu sadari on goarMi.

MASMUR 106:8

Tapi hombar tu janjiMu, dipalua Ho do halahi, anso mur tangkas haidaan sahalaMi.

HARURUAR 13:14

Muda disapai anakmu di pudian ni ari sanga aha astuan ni pesta on, angkon alusanmunu songon on, ‘Marhite hagodangan ni kuaso ni Tuhan do, na maroban hita ruar sian Mesir inganan parhatobananta i.

HARURUAR 13:16

Pesta on ma na paingotkon hita gabe songon sada tanda na ditambatkon di tangan sanga di bohinta. Marhite pesta on, dipaingot hita, bahaso na dung diparuar Tuhan hita sian Mesir marhite kuasoNa na godang i.”

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 13:9

Pesta on ma songon singot-singot di hamu tudos tu na nitambatkon di tangan sanga di bohimu. Marhite pesta on, gabe dipaingot hamu anso diapil jana diparsiajari hamu angka Uhum Ni Tuhan, harana madung diparuar Tuhan hamu sian Mesir marhite kuasoNa na godang i.

HARURUAR 14:18

Di na Hutaluhon halahi disi ma tandaon ni halahi bahaso Au do Tuhan.”

HARURUAR 32:11

Tapi dielek-elek si Musa do anso mombun roha ni Tuhan, Debatania i, didok ia ma, “Biasi ma he jabat songon i murukMu tu bangsoMu na dung diobanMi ruar sian Mesir mardongan hagogoon na tarlobi rap dohot tangan na gogo situtu?

HARURUAR 6:1

Dung i didok Debata ma tu si Musa, “Ligionmu ma saonnari sanga aha na giot baenonKu tu raja i. PaksahononKu ma tusia anso dipalua ia bangsongKu. Angkon paksaonKu ia anso dipatola ia kehe halahi sian luat on.”

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

JESAYA 55:13

Gonti ni sihupi tubu ma bona ni sampinur, gonti ni latong tubu ma hayu na huskus. Songon tanda na hot na paingotkon tu rohamunu, taringot tu na dung Hubaen, Au Tuhan mambaensa di hamu.”

JESAYA 64:4

Nada habegean dope sian narobi di narobi, jana na so unjung dope tarida i. Asing sian Ho, nada adong debata na mambaen songon i, tu halak na mararop ni roha tusia.

JEREMIA 14:20

Ale Tuhan, hami oku do dosanami dohot dosa ni ompunami. Tutu madung mardosa hami tu Ho.

JEREMIA 32:10

Hupio ma angka saksi jana huteken ma di jolo ni halahi surat jual ni tano i, jana hubaen ma segelna jana hutimbang ma hepeng perak i dohot timbangan.

ANDUNG 3:42

“Mardosa do hami jana mangalo tu Ho, ale Tuhan, jana nada dilehen Ho ampunan.

JEHESKIEL 5:6

Tapi madung ditulak Jerusalem na Huparentahon jana madung tangkas jumahat do ia sian angka bangso na asing, jana tumangkang dope ulang pado angka bangso na humaliang ia. Dilaosi Jerusalem do angka parentangKu jana nada ra mangoloi angka aturanKu.”

DANIEL 9:5

Madung mardosa hami, madung mambaen na jahat hami, boti mambaen hasalaan. Hami tinggalkon do parentaMu jana manyimbil do hami sian angka aturanMu.

LUKAS 15:21

Didok ia tu amangnia i, ‘O amang, madung mardosa au adop Debata bope maradopkon damang. Nada tama be didok au anak ni damang.’

LUKAS 18:13

Tapi anggo sitagi pajak i jongjong ma ia mandao-dao jana inda puluk ia mardongak adop langit. Ditompuhi ia andorania i didok ia ma, ‘O ale Debata, ibo ma rohaMu mida au pardosa on!’ ”

2 KORINTUS 1:10

Ia do na palua hami sian parmaraan godang na giot mamatehon i. Jana laing paluaonNia do hami tu angka ari na giot ro, angke tuSia do hami mararop ni roha.

PANGARATAION 5:15

Ingot ma, na diparhatoban do ho di Mesir jana Au do Tuhan Debatamu na dung paluahon ho mardongan hagogoon na godang. Hara ni i ma umbaen na Huparentahon tu ho laho manghagodangkon Ari Sabat i.