DANIEL 9:14 - BIBEL JAMITA NA DENGGAN

¹⁴ Madung diuhum Ho hami ale Tuhan Debatanami marhite hamamago na dung nihobasanMu humani, sai tongtong do denggan jana tigor pambaenanMu, hape nada hami tangihon soraMu.

DANIEL 9:14 ပူးပေါင်းရင်းမြစ်များ

2 JUJUR TAON 12:6

Dioku raja i ma dohot angka pamimpin i bahaso na dung mardosa halahi. Didok halahi ma, “Tigor do sanga aha na nidok ni Tuhan i.”

ESRA 9:15

O Tuhan Debata ni Israel, na tigor do Ho, haru songon i pe laing dipadiar Ho do hami mangolu. Hami oku ma hasalaannami tu Ho; nada marhak hami ro tu parmiananMu.”

NEHEMIA 9:33

Bonar do pambaenanMu, hami na mardosa diuhumi Ho laing setia do Ho haru pe hami gok tilako.

MASMUR 111:7

Tigor jana bonar do Tuhan di sasude na nibaenNia, tarpangasahon do sude parentaNia.

MASMUR 116:5

Na denggan do Tuhan i jana parasi roha; gok ibo ni roha do Debatanta.

MASMUR 119:137

Tigor situtu do Ho, ale Tuhan, tumbuk do sude parentaMu.

MASMUR 51:14

Palua ma hosangku, ale Debata Sipalua au, gabe marjop ni roha ma au paboa-boahon hatigoranMu.

HARURUAR 9:27

Dung i disuru raja i ma anso dipio si Musa dohot si Harun, ninna ma, “Madung mardosa au sanoli on. Tigor do Tuhan i tapi au do dohot rayatku na marsala.

JEREMIA 12:1

Muda hupatigor parkarongku di adopanMu ale Tuhan, tontu torang do tarida laing Ho do na tigor. Tapi laing por do rohangku marsapa tu Ho taringot tu soal hatigoran: Biasi sonang halak na jahat? Biasi ma he halak na geduk mardohar?

JEREMIA 31:28

Songon panjagoonKu sahonokna on di halahi, i ma na giot mambutbuti dohot mangarumpakkon, mangaroncohon jana pamatehon halahi, laing songon i ma panjagoonKu, patoguhon jana mambangun halahi mangulahi, songon i ma hata ni Tuhan.

JEREMIA 4:17

jana hobuhon ni halahi ma Jerusalem songon halak na manjago ladang. Patunda ni na mangalo ma Juda maradopkon Tuhan umbaen na tarjadi sudena i. Madung didok Tuhan songon i.

JEREMIA 44:27

JalahanKu do dalan anso mago hamu jana nada marhasonangan lopus mate hamu sudena, bope di parporangan sanga pe hara ni nyae masa.

ANDUNG 1:5

Marbungaran angka musuna hara ni na dung mangarajai ia. Tuhan mambaen ia humasusa, patunda ni bahatna dosania. Hona taban do halakna, jana dioban tu habuanganna di jolo ni musuna.

JEHESKIEL 16:43

Hara ni na so diingot ho be hatiha haposoonmu, gabe muruk Au, tutu, dabuonKu ma uhum tu ho hara ni hajahatonmu, songon i ma didok Tuhan Debata. Nada he na markarosuan do ho muse di balik ni nasa pambaenanmu na nihagigihon i?”

DANIEL 4:34

“Dung salpu hatiha sipitu taon i, hupadorgak ma tu langit gabe sumuang ma torang rohangku. Jadi hupuji ma Na Gumincat i. Hupasangap jana hupagodang ma na Tongtong Mangolu i, Mamarenta noma Debata salolot-lolotna. Markuaso do Ia sapanjangna.

DANIEL 9:7

Ale Tuhan, sai tongtong denggan jana tigor do pambaenanMu, tapi anggo hami sai tongtong do mambaen tilako tu dirinami, i ma hami sude na maringanan di Juda dohot di Jerusalem maradu sude dongannami sabangso na nipaserakMu tu angka luat na dao dohot na donok hara ni na so unduk halahi tu Ho.