DANIEL 8:7 - BIBEL JAMITA NA DENGGAN

⁷ Hupareso ma pandogo-dogonia tu biri-biri jantan i. Hara ni panggasa-gasania, ditombeng ia biri-biri jantan i jana ponggol dibaen ia tandukna na dua i. Nada adong geldok ni biri-biri jantan i laho mangalo. Madabu ma ia tu tano i lalu didege-dege jana sahalak pe nada adong na tarbaen mangurupisa.

DANIEL 8:7 ပူးပေါင်းရင်းမြစ်များ

DANIEL 11:11

Jadi muruk ma raja ni Mesir jana maju muse ma ia tu galanggang ni porang mangalo raja ni Siria i. Tartaluhon ia do tentara ni Siria na bahat i.

DANIEL 7:12

Anggo angka binatang na asing i madung dibuat kuasona, tapi laing dipaloas dope halahi mangolu lopus tu hatiha na dung ditontuhon.

DANIEL 7:7

Taran manatap au tusi, murgap muse ma binatang na paopatkon. Sun gogona jana jorbut tompana, mabiar au midasa. Diropuk ia dohot iponnia na gogo jana na songon pir ni bosi i angka soroannia jana dipangabis ia; teba-tebana i didege-dege ia. Asing do ia sian angka binatang na parjolo i, anggo on martanduk sampulu.

DANIEL 8:10

Gabe tuk ma gogo ni tanduk i laho mamorangi tentara ni banua ginjang, i ma angka bintang, jabat do didanggurkon ia deba tu tano lalu didege-dege ia.

DANIEL 8:6

Dipadonok hambeng jantan i ma tu biri-biri jantan sidua tanduk na huida di topi ni batang aek i, lalu didogo-dogo ia marsitutu.

DANIEL 8:8

Gabe ginjang ma roha ni hambeng jantan i. Tapi dung lalu ia tu puncu ni kuasonia maponggol ma tanduknia na godang i, jana di hatubuanna hian, tubu ma muse opat tanduk, hombar tu opat haroroan ni alogo sian langit.

HAMALIMON 26:37

Marlojong ma hamu martomboman na sada tu na sada nari, hatiha so adong na mangayak, jana nada adong gogomunu marporang mangalo sanga musu aha pe.

JOSUA 8:20

Manaili ma angka halak Ai tu pudi, diida halahi ma timus na martimbual tu langit. Nada adong be dalan maporus di halahi, angke halak Israel na dikojar-kojar ni halahi hian, madung marbalik mangalo halahi.