DANIEL 8:5 - BIBEL JAMITA NA DENGGAN

⁵ Jadi taran sapa-sapa au di bagasan rohangku taringot tu astuan ni i, tarida ma sada hambeng jantan marlojong-lojong ro sian sabola Hasundutan sian parnidaan na parjolo. Hara ni hipasna parlojongna i jabat nada dais patna i tu tano. Di holang-kolang ni matana na dua i adong ma sada tanduk na joljol.

DANIEL 8:5 ပူးပေါင်းရင်းမြစ်များ

DANIEL 11:3

Dung i ruar ma sada raja na gogo. Parentaonnia ma sada harajaan na lobi godang jana baenonnia ma roha-rohania.

DANIEL 2:32

Sian sere do dibaen uluna i, andorana dohot tanganna sian perak, gontingna dohot butuhana sian tumbaga,

DANIEL 2:39

Tapi dung marujung harajaon ni raja i, ro muse ma harajaan na asing na ummenek sian harajaan ni raja i, ro muse ma harajaan na patoluhon na nigambarkon ni tumbaga na di patung i, na mangarajai sandok tano on.

DANIEL 7:6

Taran pamanat-manatkon i dope au, murgap muse ma binatang na asing. Tompana songon babiat, tapi adong di tanggurungna i opat habong ni unggas jana ulunia pe opat muse. Jana dilehen do tusia hagogoon.

DANIEL 8:21

Hambeng jantan i, i ma manggambarkon harajaan Junani, jana tandukna na joljol i di holang-kolang ni matana na dua i, i ma rajana na parjolo.

DANIEL 8:6

Dipadonok hambeng jantan i ma tu biri-biri jantan sidua tanduk na huida di topi ni batang aek i, lalu didogo-dogo ia marsitutu.

DANIEL 8:8

Gabe ginjang ma roha ni hambeng jantan i. Tapi dung lalu ia tu puncu ni kuasonia maponggol ma tanduknia na godang i, jana di hatubuanna hian, tubu ma muse opat tanduk, hombar tu opat haroroan ni alogo sian langit.