DANIEL 8:23 - BIBEL JAMITA NA DENGGAN

²³ Marayak marujung angka harajaan i, jana muda dung gok hajahatan ni angka na jahat, gabe ro ma sada raja sijogal roha, jana na malo paoto-otohon.

DANIEL 8:23 ပူးပေါင်းရင်းမြစ်များ

PAMUNGKAAN 15:16

Dung opat sundut pe anso mulak mangulahi pomparanmu tuson, angke nada paorotonKu dope halak Amori painte so santak jahat ni halahi anso tumbuk uhumon.”

PODA 1:6

Marhite dalan na songon i tardodo halahi ma bagasna arti ni poda jana botoonna ma alus ni angka na masa na nipatujolo ni angka halak na marbisuk.

JEHESKIEL 38:16

Songon halingsungsung na manondong portibi on. Muda dung dapot hatihana, tongosonKu ma ho laho mambuat tanongKi. Marhite na Hubaen i di na Hupake ho ale Gog, botoon ni angka bangso ma sanga ise do Au, i ma Debata Na Badia.

JEHESKIEL 38:8

Sanga na piga taon nari suruonKu ma ia laho mamorangi sada luat na diingani ni halak na dipalagut mangulahi sian tonga-tonga ni bahat bangso jana maringanan muse di luat i di bagasan sonang. Inganan ni si Gog ma angka dolok ni Israel na dung honok mangalungun jana gok tapor-tapor, tapi saonnari na niingani ni rayat na mangolu di bagasan dame.

DANIEL 10:14

Ro do au laho mambaen ho mangastui sanga aha na giot tarjadi sanoli on di bangsomu. Taringot tu hatiha na giot ro do parnidaan on.”

DANIEL 11:21

Didok surusuruan i muse ma tu au, “Raja na mangihut mamarenta di Siria i ma sada halak na jahat na so patut gabe raja. Tapi ro do ia sian na so pamotoan jana dirampas ia ma harajaan sian raja i marhite sipaoto-oto.

DANIEL 11:24

Porangannia ma angka tano na napu, nada jolo adong boa-boana. Baenonnia ma angka na so jungada dope dipatupa ompuna. Jadi bagi-bagihononnia ma tu angka na mangihutkon ia sude barang na dirampas dohot sinadongan na dapotnia di bagasan parporangan. Baenonnia ma mata-mata laho mamorangi angka inganan na marbenteng, tapi tibu do marujung hatihana.

DANIEL 7:11

Taran hupaligi-ligi tusia, laing hubege dope mamburas tanduk na menek i maradu bulbul. Dung i dimatehon ma binatang na paopatkon i, jana bangkena i diambungkon tu bagasan api lopus mosok.

DANIEL 7:20

Giot botoonku muse do taringot tu tandukna na sampulu i dohot tandukna na menek na umpudi tubu i na lalu mangumpat tolu sian tanduk na parjolo i. Marmata do tanduk i jana marpamangan na jungkat pangkulingna. Jorbutan dope tanduk na menek i sian angka tanduk na asing i.

DANIEL 7:25

Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.

DANIEL 7:8

Taran hupanotnoti tandukna i, ompot ma tubu sada tanduk na asing di antarana i. Menek do tanduk i tapi dionjar ia do lalu mumpat tolu sian angka tanduk na parjolo i. Marmata do tanduk na menek i songon mata ni jolma jana marpamangan na bulbul pangkataina.

DANIEL 8:22

Tanduk na opat na ruar dung maponggol tandukna na parjolo i, astuanna tarbagi opat ma harajaan Junani, tapi sada pe nada adong be songon gogo ni harajaan na parjolo i.

DANIEL 8:24

Mur martamba ma hagogoonnia, tapi nada sagogo ni na parjolo i. Paroonnia ma hamamago na jorbut situtu, jana sai tulus do sanga aha na nibaennia. Bunuonnia ma angka halak na gogo dohot bangso ni Debata.

DANIEL 8:25

Dibaen malo do ia manipu, sai tulus do angka sipaoto-otonia. Dihaginjangkon ia ma dirinia, jana nada pola jolo mangalehen sipaingot matehononnia ma bahat jolma. Salang Raja ni sandok raja pe dialo ia do. Tapi roncohonon do ia nada pola hara ni gogo ni jolma.

BILANGAN 24:24

Sian Siprus giot ro ma tentara, Asur dohot Eber ditaluhonsa, tapi halahi pe nada tolapsa martahan.”

MATEUS 23:32

Antong anggo songon i, toruskon hamu ma pasidungkon dosa na nipungka ni angka ompungmunu i!

PANGARATAION 28:50

Kejam do baenon ni halahi jana nada mamake ibo ni roha sanga na tu ise pe, bope tu na matobang bope tu na poso.

1 TESSALONIKA 2:16

Dilarang halahi muse dope hami manjamitahon barita haluaan i tu angka bangso na asing. Jadi di na songon i, laing dipupu halak Jahudi do patamba-tamba dosana gabe mur martimbun lalu tu langit. Jana ujungna saonnari dondonan ni rimas ni Debata ma halahi!

1 TIMOTEUS 4:1

Torang do didok Tondi i anggo tu angka hatiha na giot ro, marbalik ma deba halak sian haporsayaan i. Angka tondi na mangaliluhon noma oloan ni halahi, jana pangajaran ni angka setan noma ihutkononna,

HALUMBAAN 19:20

Gabe tartangkup ma binatang i rap dohot panurirang pargabus na pabaen-baen angka tanda hahomangan di jolo ni binatang i. (Angka tanda hahomangan i do dibaen binatang i paoto-otohon angka jolma na mamake tanda ni binatang i dohot angka jolma na manyomba patung ni binatang i.) Jadi didanggurkon ma binatang i dohot panurirang pargabus i mangolu-ngolu tu bagasan laut api na gara-gara dohot barerang.