DANIEL 8:2 - BIBEL JAMITA NA DENGGAN

² Di bagasan parnidaan i di propinsi Elam do au, di Susan, kota sabungan ni Persia. Jongjong au di lambung ni Batang aek Ulai,

DANIEL 8:2 ပူးပေါင်းရင်းမြစ်များ

PAMUNGKAAN 10:22

Angka anak ni si Sem i ma si Elam, si Asur, si Arpaksad, si Lot dohot si Aram. Halahi ma ompu ni angka bangso na nigoaran mangihutkon goar ni halahi.

PAMUNGKAAN 14:1

Marporang ma opat halak raja, i ma si Amrafel sian Babilonia, si Ariok sian Elasar, si Kedorlaomer sian Elam dohot si Tidal sian Goyim,

NEHEMIA 1:1

On ma lapuran ni si Nehemia anak ni si Hakalya salaho tu angka na nibaennia. Di bulan Kislev taon padua puluhon mamarenta si Artahsasta gabe raja di Persia, au, si Nehemia topet do di Susan, kota sabungan ni harajaan i.

ESTER 1:2

Di hatiha i, i ma hatiha mamarenta Raja Ahasweros di habangsa harajaonnia di kota Susan.

ESTER 2:8

Dung dipabotohon parenta ni raja i, bahat ma bujing-bujing dipalagut di kota Susan jana dohot ma si Ester disi. Dioban ma ia tu bagas godang ni raja i jana dipasahat ma ia tu si Hegai kapala ni bagas inganan ni dadaboru.

ESTER 3:15

Tibu ma markehean angka suruan na pataruhon surat i tu sude propinsi ni harajaan i. Diparentahon raja i ma anso laing dipabotohon barita i di Susan, kota sabungan ni Persia. Dung salpu i juguk-juguk ma si Haman dohot raja i minum anggur, tapi anggo kota Susan ma pola gaor patunda ni barita i.

ESTER 7:6

Dialusi si Ester ma, “Si Haman na jahat on ma da musunami jana na mamparhanciti hami!” Di bagasan biar na marsitutu manatap ma si Haman tu raja dohot tu ratu i.

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

ESTER 9:11

Laing di na sadari i dilapurkon halak ma tu raja i bahat ni angka jolma na hona bunu di kota Susan.

ESTER 9:15

Jadi di tanggal opat bolas bulan Adar, marlagut ma halak Jahudi na di Susan mangulahi jana dibunu halahi ma tolu ratus halak nari di kota i. Jana dison pe nada dirampas halahi anggo arta sanga na aha pe.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 21:2

Madung dipatuduhon tu au taringot tu na jorbut na giot masa, halumbaan taringot tu hajahatan dohot hasesegona. Maju ma hamu parangan ni Elam, roro ma! O hamu parangan ni Madai, hobuk hamu ma angka kota i! Na giot paujungonKu noma sude pardangolan na nibaenan ni Babel.

JEHESKIEL 1:1

Di tanggal lima, bulan paopathon, taon patolupuluhon, hatiha rap au dohot angka halak buangan di topi ni Batang aek Kebar, mungkap ma langit jana maruli parnidaan ma au taringot tu Debata.

JEHESKIEL 32:24

Disi do Elam dohot sude rayat na bahat di humaliangna: Mate tarbunu do halahi sude, mate hara ni podang, i ma angka na so marsunat manuat tu banua toru, na mambaen sihabiaran di tano ni halakna mangolu. Rap manaon dosana be do halahi dohot angka halak na manuat tu tanoman.

DANIEL 10:4

Di tanggal dua pulu opat bulan sada di bagasan taon i, jongjong do au topet di topi ni Batang aek Tigris na godang i.

DANIEL 7:15

Longang rohangku jana marsak hara ni angka parnidaan na huida i.

DANIEL 8:1

Di taon patoluhon mamarenta Raja Belsasar, tarida ma tu au, si Daniel, sada parnidaan na asing sian parnidaan na parjolo.

DANIEL 8:3

jana tarida ma di topi ni batang aek i sada biri-biri jantan na martanduk dua na ginjang, guminjang na sada jana tanduk na parpudi tubu i do na guminjang.

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.

IBRANI 1:1

Madung jotjot jana marragam dalanna dibaen Debata laho mangkatai tu angka ompunta markite-hite angka panurirang.

HALUMBAAN 9:17

Jana di boa-boa na nilehenna i tu au, huida do angka kudo i dohot angka halak na manenggetsa. Mamake baju bosi na rara sun, na rata langit dohot na gorsing songon barerang do angka na manengget kudo i. Songon ulu ni singa do ulu ni angka kudo i jana ruar do api, timus dohot barerang sian pamanganna i.