DANIEL 8:13 - BIBEL JAMITA NA DENGGAN

¹³ Dung i hubege ma sahalak surusuruan mandok tu donganna, “Sadia honok mardalan sude na tarida di bagasan parnidaan i? Intap ni andigan dosa godang i manggontihon haul si ganop ari? Olat ni sadia honok do marlaku parnidaan on, i ma haul si ganop ari, hajahatan na mangagohon, inganan na badia na dung dilehen tentara banua ginjang i didege-dege?”

DANIEL 8:13 ပူးပေါင်းရင်းမြစ်များ

MASMUR 74:10

Intap ni andigan do, ale Debata, musu on sai mangincaki Ho? Sapanjangna noma he layasan ni halahi goarMi?

MASMUR 74:9

Nada haidaan be angka panurirang dohot angka tanda hahomangan, umpe sahalak umboto intap ni andigan laing songon on.

MASMUR 79:5

Ale Tuhan, torus noma lakna Ho muruk, jana sai marapi purun hamumurukMu?

JESAYA 28:18

Soadahonon ma parjanjianmunu dohot hamatean, jadi muda ro parmaraan, hona noma hamu.

JESAYA 6:11

Marsapa ma au, “Sadia honok ma na songon on ale Tuhan?” AlusNia, “Lopus gabe tinggal sego-segona sajo angka kota jana mamolngit, lopus nada diingani be angka bagas, lopus rumar tano i jana nada tubuan sanga aha.

JESAYA 63:18

Biasi dipadiar Ho musu mandege-dege BagasMu, angka alonami mandege-dege inganan na niparbadiaanMu?

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

JEREMIA 12:10

Bahat do parkuaso na leban na dung mangagohon kobun anggurKu dohot na mandegei angka padangKu. Madung diuba halahi luatKu na jeges i gabe padang halongonan na lungun.

DANIEL 11:31

Ramun ma inganan na badia i baenon ni piga-piga halak sian tentarania i. Soadahonon ni halahi ma haul siganop ari jana pajongjongon ni halahi ma Hajahatan Na Mangagohon.

DANIEL 12:11

Mamungka sian na diantak haul siganup ari i jana dipajongjong Hajahatan Na Manyegohon i, 1.290 ari ma honokna.

DANIEL 12:8

Tutu do antong sude na nidoknia i, tapi nada tarastui au. Jadi husapai ma, “Tuan, bia do ujung ni on sudena?”

DANIEL 4:10

Jadi taran modom au huida ma sada hayu na gincat situtu na tubu di tonga-tonga ni portibi on.

DANIEL 4:13

Taran mamikiri parnidaan i au, huida ma sada surusuruan mijur sian banua ginjang; idaon songon na hobas do ia jana manat-manat.

DANIEL 4:23

Diida raja i muse do sada surusuruan mijur sian banua ginjang na mandok, ‘Taba ma hayu on jana pamate, tapi padiar ma tungkona i tinggal di tano i. Tambat ma i dohot rante bosi dohot tumbaga lalu tadingkon ma di padang-padang dihuliangi angka ruput na rata. Padiar ma hona ombun ia jana mangolu rap dohot angka binatang pitu taon honokna.’

DANIEL 7:16

Jadi hupadonok ma tu sada halak na jongjong disi jana hupangido ma hatorangan ni sudena i. Jadi dipaboa ia ma tu au artina.

DANIEL 7:23

On ma hatorangan na dapot au, “Binatang na paopatkon i, i ma harajaan na paopatkon na giot jongjong di tano on, jana asing do i sian angka harajaan na asing i. Giot segohonon jana bonduton ni harajaan i do sude portibi on jana dege-degeonnia teba-tebania i.”

DANIEL 9:27

Baenon ni raja i ma parjanjian na togu dohot bahat jolma pitu taon honokna. Di Parsitongaan ni hatiha i antahonnia ma na mambaen pelean dohot haul. Dung i Hajahatan Na Manyegohon baenonna ma maringanan di Bagas Ni Tuhan jana sai tongtong ma i disi lopus didondoni hamamago na mambaen ia tusi, i ma hamamago na nitontuhon ni Debata disia.”

ZAKARIA 1:19

Husapai ma tu surusuruan na manghobari i dohot au, “Aha dehe arti ni angka tanduk i?” Dialusi ia ma, “Gambaran ni angka harajaan na gogo do tanduk i na paserakkon halak na maringanan di Juda, Israel dohot Jerusalem.”

ZAKARIA 14:5

Marlojongi ma hamu mamolus sian lombang na mambagi dolok i gabe marbola dua. Marlojongi ma hamu songon angka ompu na umpompar hamu di hamamasa ni lalo taran mamarenta si Usia raja ni Juda. Jadi ro ma antong Tuhan Debatangku, diudurkon Surusuruan sudena.

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

MATEUS 24:15

“Idaonmunu ma masa hajahatan na manyegohon tarjadi di inganan na badia on, songon na nidok ni Panurirang Daniel. (Sanga ise na manyise i: Diparate-atehon ma artina!)

MARKUS 13:14

“Muda diida hamu ‘Hajahatan Na Mangaroncohon’ jongjong di inganan na so patut. (Sanga ise na mamasa on: Astui hamu ma sanga aha na nidok on!) Angka halak na di Judea di hatiha i, gumonan ma marlojong tu dolok.

LUKAS 10:22

“Madung dipasahat Damang do sudena tu Au. Jana umpe adong sahalak na mananda Anak i, hum Damang do na manandasa. Songon i muse ma, nada adong na mananda sanga ise Ama i, hum Anak i do na manandaSa; dohot halak na gabe lomo ni roha ni Anak i laho patandahon Damang tu halahi.”

LUKAS 21:20

“Muda diida hamu dihobuk angka tentara kota Jerusalem, manigor botoonmunu ma sian i na so sadia lolot nari be, roncohononkon ma kota i.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

PANGARATAION 33:2

“Ro do Tuhan sian Dolok Sinai bincar di ginjang ni Edom songon mataniari. Sian Dolok Paran murgap Ia laho manyondangi bangsoNa, diudurkon sampulu ribu surusuruan api na marjilam di tanganna songon hilap.

1 TESSALONIKA 3:13

Jadi muda songon i, tarbaen Tuhan ma patoguhon rohamunu, anso gabe badia hamu jana nada adong sigorahonon di adopan ni Debata Amanta, di haroro ni Tuhanta Jesus rap dohot sudena halak na gabe nampunaNia.

IBRANI 10:29

Haru tu halak na songon i, i ma borat ni uhumanna, mur bia muse dope ulaning borat ni uhuman tu angka jolma na songon on: Na mangalayasi Anak Ni Debata, halak na marnayang ni roha mida hamamate ni Kristus na songon jaminan ni janji ni Debata na mangkaholongi Ia. Hilala hamu ma sanga bia dokdok ni uhuman tu angka jolma sisongon i!

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.

JUDAS 1:14

Jungada do didok si Henokh pomparan ni si Adam na papitu sundutkon taringot tu halak sisongon on. Didok ia, “Ligi da, na giot ro do Tuhan mardongan angka surusuruanNia na marribu-ribu

HALUMBAAN 11:2

Tapi anggo alamanna i ulang pola suhat, angke anggo alaman ni Bagas Na Badia i madung dipasahat i tu angka jolma na so mananda Tuhan. Lonca-loncaon ni halahi ma Kota Na Badia i opat pulu dua bulan honokna.

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”

HAKIM-HAKIM 13:18

Marsapa ma Surusuruan Ni Tuhan i, “Biasi giot botoonmu lakna goarKu. Anggo goarKi hahomangan do.”