DANIEL 8:1 - BIBEL JAMITA NA DENGGAN

¹ Di taon patoluhon mamarenta Raja Belsasar, tarida ma tu au, si Daniel, sada parnidaan na asing sian parnidaan na parjolo.

DANIEL 8:1 ပူးပေါင်းရင်းမြစ်များ

JEHESKIEL 1:1

Di tanggal lima, bulan paopathon, taon patolupuluhon, hatiha rap au dohot angka halak buangan di topi ni Batang aek Kebar, mungkap ma langit jana maruli parnidaan ma au taringot tu Debata.

DANIEL 1:17

Dilehen Debata ma tu doli-doli na opat i bisuk dohot hamaloon di parbinotoan taringot tu hata dohot ragam ni angka surat. Tambani i dilehen Ia muse do tu si Daniel hamaloon laho patorang parnidaan dohot nipi.

DANIEL 10:2

Marsiluluton do au di hatiha i tolu minggu.

DANIEL 10:7

Hum sada au sajo do na marnida parnidaan i. Anggo angka halak na rap dohot au nada diida halahi i, tapi mabiar gabe marlojong kehe martabuni.

DANIEL 11:4

Tapi santongkin dope ia mamarenta, mabola ma harajaannia gabe opat bagian mangihutkon haroro ni alogo sian langit, nada madabu tu pinomparna, jana nada markuaso songon ia, angke madabu do harajaannia, gabe harajaan ni halak na asing. Angka raja na so sian pomparannia noma mamarenta manggonti ia jana nada songon ia gogo ni halahi.

DANIEL 7:1

Di taon parjolo dung mamarenta si Belsasar, raja ni Babel, marnipi ma si Daniel jana dapotan parnidaan dipodomannia. Dung i, disuratkon ia ma pangarimpunanna, “Di borngin i dapotan parnidaan ma au, huida ma mangombus alogo na gogo sian humaliang jana gumalungsang ma laut na bidang i.”

DANIEL 7:15

Longang rohangku jana marsak hara ni angka parnidaan na huida i.

DANIEL 7:28

Olat ni i ma barita i. Ia au, si Daniel, susa sajo do au hara ni i; jana husimpan do i sude di bagasan rohangku.

DANIEL 8:15

Di na huuji laho mamikir astuan ni parnidaan i, manigor jongjong ma di jolongku tarsongon sada halaklahi.

DANIEL 8:2

Di bagasan parnidaan i di propinsi Elam do au, di Susan, kota sabungan ni Persia. Jongjong au di lambung ni Batang aek Ulai,

DANIEL 9:2

Di taon parjolo mamarenta ia, au si Daniel, mamparate-atehon di bagasan buku ugamo taringot tu bilangan ni taon hombar tu na nidok ni Tuhan tu panurirang Jeremia angkon masa tu Jerusalem na dung gabe lobu i, i ma pitupulu taon.