DANIEL 7:9 - BIBEL JAMITA NA DENGGAN

⁹ Di na torus au mangaligi, dihobasi ma sanga na piga habangsa. Jadi juguk ma ia Na Tongtong Mangolu i di sada sian angka habangsa i. PakeanNia dohot obukNia ias sajo mamontar songon hapas, gara-gara do habangsa i dohot angka rodana i hara ni jilam ni api.

DANIEL 7:9 ပူးပေါင်းရင်းမြစ်များ

1 RAJA-RAJA 22:19

Didok si Mika ma mangulahi, “Saonnari tangihon ma sanga aha na nidok ni Tuhan! Huida do Tuhan jongjong di juguhan hasangapanNa di banua ginjang, jana sude surusuruanNa jongjong di lambungNia.

2 JUJUR TAON 18:18

Didok si Mika ma mangulahi, “Saonnari tangihon ma jolo na nidok ni Tuhan! Huida do Tuhan juguk di ginjang ni habangsaNa di banua ginjang, jana marjongjongan angka surusuruanNa di lambungNia.

MASMUR 45:8

Maradu huskus noma pakean ni raja i songon mur, gaharu dohot cendana. Di bagasan bagas godang na margading sigodang arga, laing marjop ni roha raja i dibaen angka parendena.

MASMUR 90:2

taran so dijadihon Ho dope angka dolok, jana dompak so ditompa Ho dope tano on dohot portibi on. Ho do Debata na manongtong, na so marmula na so marujung.

MASMUR 93:2

Sian mulana do habangsaMu tohong, sian na manongtong do Ho adong.

JESAYA 6:1

Di taon hamamate ni Raja Usia, huida ma Tuhan. Juguk do Ia di ginjang ni habangsaNia na gincat jana marmulia. Digohi ujung ni jubaNia i do Bagas Na Badia i.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

JEREMIA 49:38

Gete-geteonKu ma angka raja-raja dohot angka pamimpin ni halahi jana giot pajongjongonKu habangsangKu di tano ni halahi.

JEHESKIEL 1:26

Di ginjang ni na songon langit i adong muse do sada tarsongon habangsa sian batu intan nilam, jana di ginjangna i juguk ma na songon jolma idaon.

DANIEL 7:13

Di bagasan parnidaan na tu au borngin i, huida ma adong tarsongon jolma. Ro ma ia dihuliangi ombun lalu kehe ia mandapotkon Na Tongtong Mangolu i jana dipatandahon tuSia.

DANIEL 7:22

Dung i ro ma Na Tongtong Mangolu i mangalehen haputusan na mandok tigor do bangso ni Debata Na Gumincat i. Madung dapot hatihana di halahi laho manjagit kuaso laho mamarenta.

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

HABAKUK 1:12

O Tuhan, nada he sian najolo Ho do Debatangku? Na badia jana na manongtong do Ho Debata. Tuhan, Debatangku jana pangondianku, ditodo Ho do bangso Babel i jana dibaen Ho margogo situtu laho manguhumi hami.

MATEUS 17:2

Gabe muba ma tompa ni Jesus di jolo ni halahi: Gabe torang songon mataniari bohiNia i. PakeanNia pe gabe marsinondang songon hatorangan.

MATEUS 28:3

Songon hilap do idaon bohi ni surusuruan i. Pakeanna i pe bontar songon hapas.

MARKUS 9:3

PakeanNia i pe gabe bontar sajo marlinang-linang. Nada adong sahalak pe di tano on na malo mangalantang lopus songon i bontarna.

BAENON NI ANGKA RASUL 2:30

Madung dijanjihon Debata tu si Daud mardongan sumpa paboa na adong sahalak sian pomparan ni si Daud baenon ni Debata gabe raja. Hara ni na dung diboto si Daud janji i boti hara ni panurirang do ia,

BAENON NI ANGKA RASUL 2:33

Dipatuginjang do Ia tu inganan ditangan siamun ni Debata, laing dijagit Ia ma sian Ama i Tondi Parbadia na dung nijanjihon hian. Tondi i ma na niusehon saonnari tu hami, jana i ma na nibege dohot na niidamunu angka dongan saonnari.

PILIPPI 3:9

jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.

1 TIMOTEUS 6:16

Hum Ia sajo do na so tarkuasoi hamatean; di bagasan sinondang na so hadonohan sanga ise pe. Nada adong sahalak jolma pe na jungada marnida Ia, sanga na tarbaen marnida Ia. Angkon lehenon ma nian tuSia sangap dohot kuaso salolot-lolotna! Amen.

1 JOHANNES 1:5

Anggo jamita na hami jagit sian Anak Ni Debata jana na hami paboa tu hamu, on do: Na torang do Debata i, jana nada adong hagolapan bagi aha pe diSia.

HALUMBAAN 1:14

ObukNa i songon bontar ni hapur, songon bontar ni hapas. MataNa songon api na hagaraanna;

HALUMBAAN 19:18

Pangan hamu ma juhut ni angka raja, juhut ni angka panglima dohot juhut ni angka na gogo, juhut ni na manengget kudo dohot juhut ni angka kudona i dohot juhut ni sude jolma manusia na menek bope na magodang, hatoban sanga na mardeka!”

HALUMBAAN 20:4

Dung i huida ma angka habangsa dohot angka halak na juguk di habangsa i; dilehen ma kuaso tu halahi laho mandabu uhuman. Huida muse dope angka tondi ni halak na hona ponggol uluna hara ni hasaksian taringot tu Jesus dohot hara ni hata ni Debata. Halak on ma na so jungada ra manyomba binatang i bope patungna i. Tanda ni binatang i pe nada jungada dijagit halahi di bohi sanga pe di tangan ni halahi. Gabe mangolu ma halahi mangulahi jana mamarenta ma halahi songon raja rap dohot Kristus di na saribu taon i.

HALUMBAAN 4:2

Manigor digohi Tondi Parbadia ma au. Huida ma di banua ginjang i sada habangsa. Adong do halak na juguk di habangsa i.