DANIEL 7:7 - BIBEL JAMITA NA DENGGAN

⁷ Taran manatap au tusi, murgap muse ma binatang na paopatkon. Sun gogona jana jorbut tompana, mabiar au midasa. Diropuk ia dohot iponnia na gogo jana na songon pir ni bosi i angka soroannia jana dipangabis ia; teba-tebana i didege-dege ia. Asing do ia sian angka binatang na parjolo i, anggo on martanduk sampulu.

DANIEL 7:7 ပူးပေါင်းရင်းမြစ်များ

2 SAMUEL 22:43

Huropuk halahi lamot songon abu marhabangan, hulonca-lonca halahi songon bustak di dalan-dalan.

JOB 41:14

Ise ma he na tolap pangangang muncungnia na gogo i, na marisi angka ipon na jorbut i?

JEHESKIEL 40:2

Di sada parnidaan, dioban Debata ma au tu Jerusalem jana dibaen ma au di dolok na gincat. Adong ma huida di jolongku saluhutan bangunan na tudos tu sada kota.

DANIEL 2:19

Laing di borngin i dipaboa Debata ma tu si Daniel arti na di bagasan sada parnidaan. Jadi dipuji si Daniel ma Debata na di banua ginjang i.

DANIEL 7:13

Di bagasan parnidaan na tu au borngin i, huida ma adong tarsongon jolma. Ro ma ia dihuliangi ombun lalu kehe ia mandapotkon Na Tongtong Mangolu i jana dipatandahon tuSia.

DANIEL 8:10

Gabe tuk ma gogo ni tanduk i laho mamorangi tentara ni banua ginjang, i ma angka bintang, jabat do didanggurkon ia deba tu tano lalu didege-dege ia.

DANIEL 8:22

Tanduk na opat na ruar dung maponggol tandukna na parjolo i, astuanna tarbagi opat ma harajaan Junani, tapi sada pe nada adong be songon gogo ni harajaan na parjolo i.

ZAKARIA 2:1

Dung i manatap ma au mangulahi adop gincat, huida ma sada halaklahi na maniop tali panyuhat.

HALUMBAAN 12:3

Dung i tarida muse ma tanda na asing di langit. Adong ma sada ulok naga na rara na lobi godang, pitu uluna jana sampulu tandukna. Jana pitu tuku di ginjang ni uluna.

HALUMBAAN 13:1

Dung i huida ma sada binatang ruar sian laut. Adong do sampulu tandukna jana pitu uluna. Adong muse ma tuku sada be di uluna i jana tarsurat ma di uluna i sude sada goar pangincahion.

HALUMBAAN 17:12

Tanduk na sampulu na niidami, i ma sampulu raja na so mamungka dope mamarenta. Tapi lehenon do kuaso tu halahi anso mamarenta halahi songon raja rap dohot binatang i sajom lolotna.

HALUMBAAN 17:7

Jadi didok surusuruan i ma tu au, “Biasi homang-komang ho? Hupaboa pe tu ho rahasia ni anak boru i dohot rahasia ni binatang na nitenggetnia i, i ma binatang na marulu pitu jana na martanduk sampulu i.

HALUMBAAN 17:8

Anggo binatang na dung niidami madung adong do i, tapi nada adong, na giot manaek ma ia sian rura hamatean anso kehe ma ia tu hamagoan. Jadi homang ma roha ni angka na maringanan di tano on, i ma angka na so tarsurat goarna di buku hangoluan sian mula-mula ni hasiangan on, muda diida halahi binatang i na dung adong, tapi nada adong, jana na giot ro muse.