DANIEL 7:5 - BIBEL JAMITA NA DENGGAN

⁵ Binatang na paduahon tompana songon gompul. Jongjong di patna pudi i do ia, jana dioban ia tolu holi-holi ni rusuk di antara ni iponnia i. Hubege ma sora na mandok tusia, “Tole bo, papangani ma juhut sanga sadia giotmu!”

DANIEL 7:5 ပူးပေါင်းရင်းမြစ်များ

2 RAJA-RAJA 2:24

Manaili ma si Elisa manatap halahi jana diburai ia ma halahi mangasahon goar ni Tuhan. Jadi manigor ro ma dua gompul boru-boru sian ramba i manyibak-nyibak opat pulu dua halak sian dakdanak i.

PODA 17:12

Gumonan do marsuo dohot induk ni gompul na magoan anak, ulang pado marsuo dohot halak na bodo na topet padalan haotoanna.

JESAYA 56:9

Ale angka binatang na di padang, ale angka binatang na di harangan, ro ma hamu mangan,

DANIEL 11:2

Jana sanga aha na giot sidokkononku tu ho, na tutu do i.” Didok surusuruan i ma, “Tolu raja na asing na giot mamarenta Persia, ihut ma raja na paopatkon na ummora ulang pado na asing i. Di hagogok ni kuaso dohot hamoraonnia, ditahi rohania ma giot marporang mangalo harajaan Junani.

DANIEL 2:39

Tapi dung marujung harajaon ni raja i, ro muse ma harajaan na asing na ummenek sian harajaan ni raja i, ro muse ma harajaan na patoluhon na nigambarkon ni tumbaga na di patung i, na mangarajai sandok tano on.

DANIEL 5:28

Peres; astuanna; madung dibagi harajaan ni raja i jana dipasahat tu halak Media dohot Persia.”

DANIEL 7:4

Na parjolo tompana songon singa, tapi marhabong songon habong ni rajawali. Di na hutatap tusia, manigor ma mumpat lalu taldus habongna i; tarangkat ma ia sian tano jana dipajongjong di dua pat songon jolma jana dilehen ma roha ni jolma tusia.

DANIEL 7:6

Taran pamanat-manatkon i dope au, murgap muse ma binatang na asing. Tompana songon babiat, tapi adong di tanggurungna i opat habong ni unggas jana ulunia pe opat muse. Jana dilehen do tusia hagogoon.

HOSEA 13:8

ParsurageonKu ma hamu songon gompul na agoan anak. Sibak-sibahonKu ma hamu. Songon singa, giot polgakonKu hamu di ingananmunu, jana songon binatang panyoro parsurageonKu ma hamu.”

HALUMBAAN 13:2

Tarsongon babiat do rupa ni binatang i, patna songon pat ni gompul jana babana i songon baba ni singa. Dung i dilehen naga na huida parjolo i ma tu binatang i gogona sandiri, dohot habangsa dohot kuasonia na godang i.