DANIEL 7:23 - BIBEL JAMITA NA DENGGAN

²³ On ma hatorangan na dapot au, “Binatang na paopatkon i, i ma harajaan na paopatkon na giot jongjong di tano on, jana asing do i sian angka harajaan na asing i. Giot segohonon jana bonduton ni harajaan i do sude portibi on jana dege-degeonnia teba-tebania i.”

DANIEL 7:23 ပူးပေါင်းရင်းမြစ်များ

DANIEL 2:40

Ihut ma harajaan na paopatkon, na sarupa dohot bosi gogona. Jana songon bosi na mangaropuk sanga na aha pe, laing songon i muse ma harajaan na paopatkon on mangaropuk dohot mangalantuk angka harajaan na asing i.

DANIEL 7:22

Dung i ro ma Na Tongtong Mangolu i mangalehen haputusan na mandok tigor do bangso ni Debata Na Gumincat i. Madung dapot hatihana di halahi laho manjagit kuaso laho mamarenta.

DANIEL 7:24

Tandukna na sampulu i, i ma sampulu raja na giot mamarenta di harajaan i. Dung i ruar ma sada raja na asing; asing situtu do i sian angka raja na asing na parjolo i, jana taluhononnia tolu raja.

DANIEL 7:7

Taran manatap au tusi, murgap muse ma binatang na paopatkon. Sun gogona jana jorbut tompana, mabiar au midasa. Diropuk ia dohot iponnia na gogo jana na songon pir ni bosi i angka soroannia jana dipangabis ia; teba-tebana i didege-dege ia. Asing do ia sian angka binatang na parjolo i, anggo on martanduk sampulu.

LUKAS 2:1

Diparentahon Kesar Agustus ma hatiha i anso marsidaftarkon dirina be sude rayat na nirajaannia.