DANIEL 7:20 - BIBEL JAMITA NA DENGGAN

²⁰ Giot botoonku muse do taringot tu tandukna na sampulu i dohot tandukna na menek na umpudi tubu i na lalu mangumpat tolu sian tanduk na parjolo i. Marmata do tanduk i jana marpamangan na jungkat pangkulingna. Jorbutan dope tanduk na menek i sian angka tanduk na asing i.

DANIEL 7:20 ပူးပေါင်းရင်းမြစ်များ

DANIEL 7:11

Taran hupaligi-ligi tusia, laing hubege dope mamburas tanduk na menek i maradu bulbul. Dung i dimatehon ma binatang na paopatkon i, jana bangkena i diambungkon tu bagasan api lopus mosok.

DANIEL 7:19

Dung i giot botoonku ma astuan ni binatang na paopatkon i na asing sian na deba nari i na jorbut tompana jana na mangaropuk soroanna lalu mansudehonsa dohot sisilon tumbagana dohot ipon bosina, dohot na mandege-dege teba-tebana i.

DANIEL 7:21

Di na huparrohahon tanduk i, marporang ma ia dohot bangso ni Debata jana ditaluhon ia do halahi.

DANIEL 7:23

On ma hatorangan na dapot au, “Binatang na paopatkon i, i ma harajaan na paopatkon na giot jongjong di tano on, jana asing do i sian angka harajaan na asing i. Giot segohonon jana bonduton ni harajaan i do sude portibi on jana dege-degeonnia teba-tebania i.”

DANIEL 7:7

Taran manatap au tusi, murgap muse ma binatang na paopatkon. Sun gogona jana jorbut tompana, mabiar au midasa. Diropuk ia dohot iponnia na gogo jana na songon pir ni bosi i angka soroannia jana dipangabis ia; teba-tebana i didege-dege ia. Asing do ia sian angka binatang na parjolo i, anggo on martanduk sampulu.

DANIEL 7:8

Taran hupanotnoti tandukna i, ompot ma tubu sada tanduk na asing di antarana i. Menek do tanduk i tapi dionjar ia do lalu mumpat tolu sian angka tanduk na parjolo i. Marmata do tanduk na menek i songon mata ni jolma jana marpamangan na bulbul pangkataina.

HALUMBAAN 12:3

Dung i tarida muse ma tanda na asing di langit. Adong ma sada ulok naga na rara na lobi godang, pitu uluna jana sampulu tandukna. Jana pitu tuku di ginjang ni uluna.