DANIEL 7:16 - BIBEL JAMITA NA DENGGAN

¹⁶ Jadi hupadonok ma tu sada halak na jongjong disi jana hupangido ma hatorangan ni sudena i. Jadi dipaboa ia ma tu au artina.

DANIEL 7:16 ပူးပေါင်းရင်းမြစ်များ

DANIEL 7:10

Ruar ma sada batang aek api, jana mamolus sian adopanNia; saribu noli marribu-ribu angka na mangoloi Ia, jana bahat sajo do jolma jongjong di joloNia. Dung i juguk ma angka Panguhum jana diungkap ma Angka Buku.

DANIEL 7:17

Didok ia ma, “Binatang na godang na opat i, i ma opat harajaan na giot ro di tano on.

DANIEL 8:17

Jadi ro ma ia tu inganan hajongjonganki, jana dompak ro ia tarsonggot ma au jana manungkap, dung i didok ia ma tu au, “Antusi ma, o anak ni jolma taringot tu ari parpudi do parnidaan on!”

DANIEL 9:22

Jadi dipatorang Gabriel ma songon on, “Daniel, ro do au laho mangurupi ho laho mangastui parnidaan i.

ZAKARIA 1:19

Husapai ma tu surusuruan na manghobari i dohot au, “Aha dehe arti ni angka tanduk i?” Dialusi ia ma, “Gambaran ni angka harajaan na gogo do tanduk i na paserakkon halak na maringanan di Juda, Israel dohot Jerusalem.”

ZAKARIA 2:3

Dung i huida ma surusuruan na mangkobari i dohot au, ro tu jolo, dohot sahalak nari surusuruan na asing mandapotkon ia.

ZAKARIA 3:7

“Muda dioloi ho angka aturanKu jana didalankon ho angka karejo na Hulehen tu ho, jadi bolas ma ho gabe pamimpin tu pudi on di bagasan BagasKu dohot mangurus alamanna i. TangihononKu ma angka tangiangmu, songon panangihonKu di angka tangiang ni angka surusuruan na donok tu lambungKu.

HALUMBAAN 5:5

Dung i adong ma sahalak sian angka pangituai i na mandok tu au, “Ulang ho tangis! Ligi ma! Madung monang singa na sian horong ni si Juda i, i ma pomparan ni si Daud. Tama do Ia mambuka cap na pitu i dohot mangungkap gulungan ni buku i.”