DANIEL 7:13 - BIBEL JAMITA NA DENGGAN

¹³ Di bagasan parnidaan na tu au borngin i, huida ma adong tarsongon jolma. Ro ma ia dihuliangi ombun lalu kehe ia mandapotkon Na Tongtong Mangolu i jana dipatandahon tuSia.

DANIEL 7:13 ပူးပေါင်းရင်းမြစ်များ

MASMUR 110:2

Sian Sion pabidangon ni Tuhan ma harajaanmu, markuaso ma ho di tonga-tonga ni angka musumu.

MASMUR 2:8

Pangido ma, gabe sandok bangso ma lehenonKu, lopus sude portibi on gabe nampunamu.

MASMUR 47:5

Madung dipanaek Debata habangsaNia, mardongan surak-surak dohot sora ni sarune.

JEREMIA 49:19

Songon singa na muldop sian harangan godang di lambung ni Batang aek Jordan, jana na ro mandapotkon padang panjampalan ni biri-biri, songon i ma Au giot ro jana mambaen marlojongi halak Edom sian tano ni halahi tompu. Dung i todoonKu ma sada halak pamimpin laho mamarenta luat i. Ise ma he na tarpatudos tu Au? Ise he puluk mangalo Au? Adong dehe lakna pamimpin na puluk mangalo Au?

JEHESKIEL 1:26

Di ginjang ni na songon langit i adong muse do sada tarsongon habangsa sian batu intan nilam, jana di ginjangna i juguk ma na songon jolma idaon.

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

DANIEL 7:12

Anggo angka binatang na asing i madung dibuat kuasona, tapi laing dipaloas dope halahi mangolu lopus tu hatiha na dung ditontuhon.

DANIEL 7:22

Dung i ro ma Na Tongtong Mangolu i mangalehen haputusan na mandok tigor do bangso ni Debata Na Gumincat i. Madung dapot hatihana di halahi laho manjagit kuaso laho mamarenta.

DANIEL 7:9

Di na torus au mangaligi, dihobasi ma sanga na piga habangsa. Jadi juguk ma ia Na Tongtong Mangolu i di sada sian angka habangsa i. PakeanNia dohot obukNia ias sajo mamontar songon hapas, gara-gara do habangsa i dohot angka rodana i hara ni jilam ni api.

DANIEL 8:15

Di na huuji laho mamikir astuan ni parnidaan i, manigor jongjong ma di jolongku tarsongon sada halaklahi.

MATEUS 13:41

Ro ma Anak Ni Jolma i, suruhononNia ma angka surusuruanNia palagutkon sian tonga-tonga ni bangsoNia sude halak na mambaen mardosa halak na asing dohot sude halak na mambaen na jahat.

MATEUS 24:30

Dung i pe anso tarida tanda ni Anak Ni Jolma i di langit. Anggo disi tangis ma sude bangso na satano on, marsak. Diida halahi ma Anak Ni Jolma i ro di bagasan ombun mardongan kuaso dohot hasangapan godang.

MATEUS 25:31

“Muda ro Anak Ni Jolma i gabe Raja mardongan angka surusuruanNia, juguk ma Ia di habangsa ni hamuliaonNa.

MATEUS 26:64

Dialusi Jesus ma, “Tutu. Tapi ingot hamu ma: Mamungka saonnari idaonmunu ma Anak Ni Jolma i juguk di siamun ni Na Markuaso i. Dung i ro ma Ia di ginjang ombun na di langit an!”

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

MATEUS 8:20

Dialusi Jesus ma, “Marliang do sorigala, marasar do angka unggas, tapi anggo Anak Ni Jolma i, i ma suruan ni Debata, nada adong inganan hapayahan ni uluNia.”

MARKUS 13:26

Jadi tarida ma disi Anak Ni Jolma i ro di bagasan ombun mardongan kuaso dohot hasangapan.

LUKAS 21:27

Jadi disi ma ro Anak Ni Jolma i di bagasan ombun mardongan hamuliaan dohot kuaso na godang.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

LUKAS 24:27

Dung i dipatorang Jesus ma tu halahi sanga aha na nidok taringot tuSia di bagasan Buku Na Badia i, mamungka sian Buku Ni si Musa lopus tu buku-buku ni angka panurirang.

JOHANNES 12:34

Didok halak na bahat i ma tuSia, “Anggo mangihutkon Buku Tona ni ugamonami, salolot-lolotna do mangolu anggo Kristus i. Biasi do didokkon Ho patuginjangon di ginjang tano Anak Ni Jolma i. Ise lakna Anak Ni Jolma i?”

JOHANNES 3:13

So na adong sahalak pe na jungada manaek tu banua ginjang, tapi anggo sian banua ginjang madung adong Sahalak na mijur tu tano on, i ma Anak Ni Jolma i.”

JOHANNES 5:27

Madung dilehen Ia kuaso tu AnakNia laho manontuhon uhuman, harana Anak Ni Jolma i do Ia.

BAENON NI ANGKA RASUL 7:56

“Ligi pe da, mungkap do huida langit i jana jongjong Anak Ni Jolma i di siamun ni Debata!”

1 TESSALONIKA 4:17

Dung i anggo hita na mangolu dope di hatiha i, rap diangkat ma hita dohot halahi tu bagasan ombun lopus marsuo dohot Jesus di awang-awang i. Jadi rap noma hita tongtong dohot Tuhan i salolot-lolotna.

1 TIMOTEUS 6:16

Hum Ia sajo do na so tarkuasoi hamatean; di bagasan sinondang na so hadonohan sanga ise pe. Nada adong sahalak jolma pe na jungada marnida Ia, sanga na tarbaen marnida Ia. Angkon lehenon ma nian tuSia sangap dohot kuaso salolot-lolotna! Amen.

IBRANI 2:14

Angke anggo angka halak na nidokNia i dakdanakNia, i ma angka mudar dohot sibuk, gabe sarupa ma Jesus sandiri dohot halahi jana mangolu songon pangalaho ni jolma sarupa dohot halahi. Songon i pe pambaenNia, anso ditaluhon Ia do Sibolis i na maniop kuaso ni hamatean i.

IBRANI 9:24

Harana anggo Bilik Na Sun Badia na nipature ni jolma i hum na manggambarkon Inganan Na Badia na satutuna i do i. Banua Ginjang i do na nimasuhan ni Kristus; disi ma Ia saonnari mangadop tu Debata laho manyarihon hita.

HALUMBAAN 1:13

Di holang-kolang ni angka parlampuan i jongjong ma sada songon Anak Ni Jolma do idaon rupana. Mamake baju juba na ginjang do Ia lalu tu patNa i. Adong di andoraNa i sere dialitkon Ia.

HALUMBAAN 1:18

Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.

HALUMBAAN 1:7

Ligi da, na ro ma Ia dihaliangi ombun! Idaon ni sude halak ma Ia, dohot halahi na maniham Ia. Mangangguhi ma sasudena bangso na di tano on manangisi dirina be hara ni Ia. Olo, tutu do na songon i! Amen!

HALUMBAAN 14:14

Dung i huparrohahon ma, gabe huida ma ombun na bontar. Juguk ma di ombun i songon Anak Ni Jolma do idaon rupaNa. Adong do di uluNa i sada tuku sere jana di tanganNa i sada sasabi na tajom.