DANIEL 6:8 - BIBEL JAMITA NA DENGGAN

⁸ Hami sude na angka gubernur, angka wakil ni gubernur dohot angka na maniop jabatan na asing, madung martahi hami laho mangusulkon anso diparuar raja i surat parenta na mandok angkon oloan sian situtu ni roha. Diparentahon raja i ma nian sugari, anso di bagasan tolu pulu ari sada halak pe nada tola palalu pangidoan tu sada sian angka debata sanga tu jolma, asing ni na tu raja i sandiri. Sanga ise na mangalanggar parenta i ambungkonon ma tu bagasan liang ni singa.

DANIEL 6:8 ပူးပေါင်းရင်းမြစ်များ

ESTER 1:19

Antong hara ni i, pangidoannami, anso dibaen raja i nian haputusan bahaso na so tola be Ratu Wasti ro mangadop tu raja i. Angkon dibaen ma haputusan i gabe undang-undang di Persia dohot Media, anso ulang tarumpat-umpat be mangulahi. Dung i, nilehen ma jabatan ni Ratu Wasti i tu dadaboru na asing na umburju sian i.

ESTER 3:12

Jadi di tanggal tolu bolas bulan sada, dipiohon si Haman ma angka sekretaris ni raja i. Disuru ia ma halahi mambaen surat domu tu sude na niparentahonnia, dung i diterjemahkon ma surat i tu sude hata jana disalin tu sude surat na dipake di harajaan i. Markite-hite goar ni Raja Ahasweros do surat i dibaen jana dicap dohot tintinnia i lalu ditongoskon ma tibu tu angka na markuaso, gubernur dohot na sangap di sude propinsi. Anggo isina, i ma parenta na mandok angkon bunuon nada adong ampunna sude bangso Jahudi, na poso bope na matobang, bope dadaboru sanga na dakdanak jana sinadonganna i dirampas, i ma di tanggal tolu bolas bulan Adar.

ESTER 8:10

Diteken si Mordehai do sude surat i di atas goar ni Raja Ahasweros jana dibaen dohot cap ni harajaan. Dung i disuru si Mordehai ma angka utusan na manaruhon angka surat i tu angka propinsi ni harajaan i mamake angka kudo na hipas nampuna ni raja i.

ESTER 8:3

Dung i mangadop ma si Ester mangulahi tu raja i. Manungkap ma ia lalu tangis jana dipangido ia ma anso disesa raja i sangkap na jahat na nibaen ni si Haman maradopkon halak Jahudi i.

ESTER 8:8

Tapi anggo surat na dung dibaen mangasahon goar ni raja jana dibaen cap ni raja, nada bolas be i tarihon mangulahi. Tapi haru songon i pe, huisinkon ma hamu mambaen surat salaho tu bangso Jahudi sanga aha na denggan diida hamu. Baen hamu ma surat i mangasahon goarku mardongan cap ni harajaan.”

MASMUR 94:21

Marsatahi halahi mangalo halak na jujur, jana mandabu uhuman mate tu halak na so marsala.

JESAYA 10:1

Marjaya ma hamu! Dipambaeni hamu do angka aturan na so tigor laho mamisat bangsongKi.

DANIEL 5:28

Peres; astuanna; madung dibagi harajaan ni raja i jana dipasahat tu halak Media dohot Persia.”

DANIEL 6:12

Marroan ma angka musu ni si Daniel di na niida ni halahi ia taran martangiang tu Debatania.

DANIEL 6:15

Umbege i marsak jana ganggu ma raja i, gabe dijalahi ia ma dalan laho paluahon si Daniel. Lopus tu andospotangna i laing marpikir-pikir dope raja i.

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”