DANIEL 6:28 - BIBEL JAMITA NA DENGGAN

²⁸ Ia do mambaen malua dohot na patupa haluaan, mambaen tanda dohot hahomangan di langit sanga pe di tano. Madung dipalua Ia si Daniel, sian sisilon ni singa.”

DANIEL 6:28 ပူးပေါင်းရင်းမြစ်များ

2 JUJUR TAON 36:22

Di taon parjolo mamarenta si Kores raja ni Persia, dipatulus Tuhan ma na nidokNia marhite Panurirang Jeremia. Digorakkon Tuhan ma roha ni si Kores laho mangharuarkon sada parenta na disise di sude harajaannia. Songon on ma hatana:

2 JUJUR TAON 36:23

“On ma parenta ni si Kores, raja ni Persia! Madung dibaen Tuhan, Debata na markuaso di banua ginjang au gabe raja di portibi on sudena, jana disuru Ia do au laho mambangun bagas diSia di Jerusalem na di Luat Juda. Jadi, saonnari hamu sudena anggota ni bangso ni Debata, angkon mulak hamu tusi! Sai didongani Tuhan Debatamunu i ma hamu.”

MASMUR 77:15

Marhite hagogoanMu dipalua Ho bangsoMu, i ma pomparan ni si Jakob dohot si Josep.

JESAYA 44:28

Au do na mandokkon taringot tu si Kores: ‘Ia do siparmahanKu, sandok hagiotKu giot patulusonnia, na mandok taringot tu Jerusalem: Padiar ma ia dipajongjong, jana taringot tu Bagas Na Badia: Padiar ma dipayakkon batu ojahanna!’ ”

JEREMIA 32:20

Narobi dibaen Ho do angka tanda dohot hahomangan di Mesir, jana torus dibaen Ho songon i lopus tu sadari on di tonga-tonga ni bangso Israel dohot di tonga-tonga ni angka bangso, gabe tarbonggal goarMu di sude inganan.

DANIEL 1:21

Tongtong do disi maringanan si Daniel lopus tu taon parjolo mangarajai si Kores.

DANIEL 10:1

Di taon patoluhon dung mamarenta si Kores, raja ni halak Persia, dipaboa ma tona tu si Daniel na margoar muse si Beltsasar. Tutu do tona i salaho tu hasusaan na godang. Dung i ditiop ia ma hata i jana diparate-atehon ia ma parnidaan i.

DANIEL 3:29

Hara ni i, huparentahon tu ganop halak sian bangso dohot marga ni bangso sanga hata na dia pe na mandokkon hata incak tu Debata na nisomba ni si Sadrakh, si Mesakh dohot si Abednego, angkon nilobong-lobong noma i jana bagasna i dirumpakkon. Angke nada adong debata na margogo mambaen songon na nibaen ni Debata i.”

DANIEL 5:28

Peres; astuanna; madung dibagi harajaan ni raja i jana dipasahat tu halak Media dohot Persia.”