DANIEL 6:25 - BIBEL JAMITA NA DENGGAN

²⁵ Dung i diparentahon raja i ma anso ditangkup angka na mangaduhon si Daniel i. Jadi rap diambungkon ma halahi dohot angka dakdanak dohot angka dadaboruna tu bagasan liang ni singa i. Nada jabat lalu dope halahi tu tandolan ni liang i, manigor disoro angka singa i ma halahi jana diropuk holi-holina i.

DANIEL 6:25 ပူးပေါင်းရင်းမြစ်များ

ESRA 4:17

Dibalos raja i ma songon on, “Mandapotkon Gubernur Rehum dohot si Simsai sekretaris propinsi maradu angka dongan ni halahi na maringanan di Samaria dohot di angka kota na asing di Efrat Hasundutan. Horas ma.

ESTER 3:12

Jadi di tanggal tolu bolas bulan sada, dipiohon si Haman ma angka sekretaris ni raja i. Disuru ia ma halahi mambaen surat domu tu sude na niparentahonnia, dung i diterjemahkon ma surat i tu sude hata jana disalin tu sude surat na dipake di harajaan i. Markite-hite goar ni Raja Ahasweros do surat i dibaen jana dicap dohot tintinnia i lalu ditongoskon ma tibu tu angka na markuaso, gubernur dohot na sangap di sude propinsi. Anggo isina, i ma parenta na mandok angkon bunuon nada adong ampunna sude bangso Jahudi, na poso bope na matobang, bope dadaboru sanga na dakdanak jana sinadonganna i dirampas, i ma di tanggal tolu bolas bulan Adar.

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

ESTER 8:9

Laing di na sadari i, i ma di tanggal dua pulu tolu, bulan Siwan, dipiohon si Mordehai ma angka sekretaris ni raja i jana diparentahon ia ma halahi mambaen surat tu angka gubernur, angka bupati maradu tu angka halak na godang na di propinsi na saratus dua pulu pitu i, mamungka sian India lopus tu Sudan. Dipambaeni ma surat i di bagasan kota dohot surat ni angka propinsi i be. Laing ditongos ia muse ma surat tu halak Jahudi di bagasan hata dohot surat Jahudi.

MASMUR 7:15

Dihuar ia lubang di halak na asing, hape ia sandiri madabu tu bagasan.

MASMUR 9:16

Dipatidahon Tuhan do diriNa na tigor di bagasan putusanNia. Halak na jahat dabuhononNa hara ni parkarejoanNa.

PODA 11:8

Halak na daulat nada hona hasusaan halak na jahat sai hona ambatan.

DANIEL 3:4

mangkuling ma wakil ni raja marsora na gogo, “Hamu angka dongan sian sandok bangso, sian marga ni bangso dohot na marhata na marragam-ragam. Tangihon hamu ma parenta ni rajanta on:

DANIEL 4:1

On ma boa-boa ni Raja Nebukadnesar na nitongosnia tu jolma sian sandok bangso, marga ni bangso dohot hata na marragam-ragam di sude portibi on: “Mur martamba-tamba ma hadameon di hamu!

PANGARATAION 19:19

angkon daion ni halakna i ma uhuman na patut sihonahonon tu na dipasala i. Songon i ma baenonmunu laho mangantak hajahatan i.

1 PETRUS 1:2

mangihutkon sangkap ni Debata Ama jana na niparbadiai ni Tondi, anso mangoloi Jesus Kristus jana manjagit pamispion ni mudarNia. Mur martamba ma asi ni roha dohot hasonangan di hamu.

2 PETRUS 1:2

Mur martamba ma di hamu asi ni roha dohot hasonangan markite-hite parbinotoan taringot tu Debata dohot Tuhanta Jesus.

JUDAS 1:2

Mararop roha do au pasupasuon ni Debata hamu jana lehenonna asi ni roha dohot hasonangan mardapot-dapot di hamu.