DANIEL 6:24 - BIBEL JAMITA NA DENGGAN

²⁴ Sonang ma roha ni raja i jana diparentahon ia ma anso diparuar si Daniel sian liang i. Dung dipadalan parenta i, hape nada adong gasa ni si Daniel saotik pe, angke porsaya do ia tu Debatania.

DANIEL 6:24 ပူးပေါင်းရင်းမြစ်များ

2 RAJA-RAJA 14:6

Tapi anggo dakdanak ni angka pagawe i, nada dipabunuhon ia, angke diihutkon ia do parenta ni Tuhan na di bagasan Buku Ni si Musa i na mandok, “Ulang nimatehon ama-ama hara ni hajahatan ni angka dakdanakna, jana ulang nimatehon angka dakdanak hara ni hajahatan ni simatobangna. Sanga ise pe, hum hara ni hajahatanna sandiri do na tola nimatehon.”

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

ESTER 9:25

Tapi kehe si Ester mangadop tu raja, jana dilehen raja i parenta na tarsurat, patunda ni i ma umbaen na madabu tu si Haman sangkapnia sandiri na jahat i, gabe lopus hona gantung ia dohot angka dakdanaknia di tiang gantungan.

MASMUR 54:5

Padiar ma musungku didondoni hajahatanna sandiri, pusa ma halahi, angke setia do Ho tu au.

PODA 11:8

Halak na daulat nada hona hasusaan halak na jahat sai hona ambatan.

PODA 19:9

Nada malua sian uhuman saksi pargabus, tapi halak na margabus diparsoada do.

JESAYA 38:13

Marsurak do au mangido tolong lalu tu manyogot; songon singa mangarogop holi-holi; songon i ma Tuhan mangaropukkon au, mamungka sian arian lalu tu borngin dipadiar Ho do au.

JEREMIA 34:17

Hara ni i Au Tuhan mandok, anggo hamu madung mangalaosi tu parentangKu; nada dipalua hamu dongan sabangsomunu Israel. Antong saonnari Hulehen ma hamu bebas mamili: Bebas laho mate di partempuran, mate dibaen nyae masa, sanga mate tangkuraparon. Giot baenonKu mabiar bangso na satano on mida sipamasaonKu tu hamu.

DANIEL 3:22

Hara ni pirna parenta ni raja i, na dung dipamilas hian do purunan i sun milasna jabat mate mosok dibaen jilam ni api i angka halak na mangangkat si Sadrakh, si Mesakh dohot si Abednego tu lambung ni purunan i.

PANGARATAION 24:16

Ulang bunu hamu simatobang hara ni hajahatan na nibaen ni angka dakdanakna; jana ulang bunu hamu dakdanak hara ni hajahatan ni simatobangna. Hum hara ni hajahatan na nibaenna sandiri do anso tola niuhuman sada-sada halak.