DANIEL 6:16 - BIBEL JAMITA NA DENGGAN

¹⁶ Dung i mangulahi ma angka jolma i ro tu raja i jana didok halahi ma, “Ale rajanami, giotna diingot raja i ma nian anggo mangihutkon undang-undang ni Media dohot Persia, anggo parenta na niparuar ni raja nada tola uba-ubaon.”

DANIEL 6:16 ပူးပေါင်းရင်းမြစ်များ

2 SAMUEL 3:39

Haru pe au on raja na nipili ni Debata, gale do pangkilalaanku sadari on. Makejamtu do angka anak ni si Zeruya on. Inda tuk gogongku mangatasi halahi. Sai Tuhan ma na manguhumi angka parjahat on, marguru tu pambaenan ni halahi i!”

JOB 5:19

Muda ro mara pangondam, sai na marpupu do ho nipalua.

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 43:2

DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.

JEREMIA 26:14

Anggo taringot tu diringku, tutu do di tanganmunu kuaso laho patupahon sanga aha sajo marguru tu hagiotmunu.

JEREMIA 38:5

Dialusi Raja Zedekia ma, “Denggan ma i, baen hamu ma tusia sanga aha giotmunu, nada tarantahi au hamu.”

JEREMIA 38:6

Dung i dialap halahi ma au jana ditantan halahi ma au dohot tali tu bagasan sumur ni si Malkia anak ni raja i. Di alaman ni bagas godang i do sumur i. Nada adong aek di bagasan sumur i, hum bustak do jana masuk ma au tu bustak i.

JEREMIA 39:17

Tapi Au Tuhan, ondihononKu do ho. Nada pasahaton ho tu angka jolma na nihabiaran ni rohamu.

DANIEL 3:15

Saonnari, ra dehe hamu manungkap dohot marsomba tu patung i muda mangkuling sora ni sarune; suling; hasapi; arbab; sordam; gambus dohot angka uning-uningan na marragam i? Muda nada ra hamu, manigor do ambungkonon hamu tu purunan api na gara-gara. Jana debata dia dope na margogo paluahon hamu sian kuasongku?”

DANIEL 3:17

Muda margogo antong Debatanami paluahon hami sian purunan api na gara-gara i dohot sian kuaso ni raja i, angkon baenonNia do songon i.

DANIEL 3:28

Jadi didok raja i ma, “Puji ma Debata na nisomba ni si Sadrakh, si Mesakh dohot si Abednego. Disuru Ia do surusuruanNia laho paluahon naposoNa na tolu on na porsaya tuSia. Dilaosi halahi do parentangku jana gumonan mate ulang pado marsomba sanga mangoloi tu debata sanga na dia pe asing sian Debata ni halahi sandiri.

DANIEL 6:20

Di andostorang i ngot ma raja i, jana mopop ma ia kehe tu liang ni singa i.

DANIEL 6:7

Dung i kehe ma halahi manopot raja i jana didok halahi ma, “Ale tuannami Raja Darius, sai horas ma da raja i salolot-lolotna!

BAENON NI ANGKA RASUL 24:27

Dung adong dua taon, ro ma si Perkius Pestus manggontihon si Peliks gabe gubernur disi. Jadi hara ni na giot mambuat roha ia tu halak Jahudi, gabe laing dipadiar ia ma si Paulus tarhurung.

BAENON NI ANGKA RASUL 25:11

Muda na sala ma au tu aturan jana muda na patut ma au mate niuhuman, rade do au mate. Tapi anggo na so tutu do adu-aduan ni halahi i, sanga ise pe nada marhak laho pasahatkon au tu halahi. Hupangido, di jolo ni Kesar i ma au niadilan,” ning ia.

BAENON NI ANGKA RASUL 25:9

Tapi giot mambuat roha do si Pestus tu halak Jahudi. Jadi marsapa ma ia tu si Paulus, “Ra do ho sugari nioban tu Jerusalem anso disi niadilan ho di jolongku taringot tu angka pangaduan ni halahi i?”

SURAT NI SI PAULUS TU PARLAGUTAN ROM 13:3

Harana anggo halak na mambaen na denggan, inda pola mabiar ia tu pamarenta. Hum halak sibaen na jahat do na angkon mabiar. Muda por rohamunu anso ulang pola mabiar hamu mida pamarenta, angkon denggan do pangalahomunu, gabe sipujion ma hamu.

2 KORINTUS 1:10

Ia do na palua hami sian parmaraan godang na giot mamatehon i. Jana laing paluaonNia do hami tu angka ari na giot ro, angke tuSia do hami mararop ni roha.