DANIEL 6:10 - BIBEL JAMITA NA DENGGAN

¹⁰ Jadi diteken Raja Darius ma surat parenta i.

DANIEL 6:10 ပူးပေါင်းရင်းမြစ်များ

1 RAJA-RAJA 8:38

sai tangihon ma tangiang ni halahi. Muda adong sian tonga-tonga ni bangsoMu Israel na marsak roha lalu martangiang tu Ho jana pahortang tanganna adop bagas parsombaan on,

1 RAJA-RAJA 8:44

“Muda disuru Ho bangsoMu marporang mangalo musu sanga di dia pe halahi, diadopkon halahi tu kota na nipiliMu jana martangiang adop bagas na Hupauli on di Ho,

1 RAJA-RAJA 8:54

Songon i ma si Salomo martangiang jana marsinggang di jolo ni langgatan i lalu dipahortang ia tangannia tu ginjang. Dung songon i jongjong ma ia jana

ESRA 9:5

Di na mamungka pasahatkon haul andospotang, jongjong ma au sian juguhan parkutondoanki jana laing marpakean na mangkasibak, manungkap ma au manyurduhon tanganku tu Tuhan Debatangku.

NEHEMIA 6:11

Tapi hualusi ma, “Anggo au, nada huhagioti na maporus. Diambang ho ma lakna na giot palua diri au muda masuk martabuni di Bagas Ni Tuhan? Nada, nada ra au!”

MASMUR 34:1

Sai giot mandok tarimakasi do au tu Tuhan ganop ari, jana ulang mantak nian tuSia au mamuji-muji.

MASMUR 5:7

Tapi hara ni holong ni rohaMu, tola do au masuk tu BagasMu, manungkap adop ingananMu, lalu marsomba tu Ho mardongan roha na marsitutu.

MASMUR 55:17

Hape humolos do au jana tangis arian dohot borngin, tangihononNia do sorangku.

MASMUR 86:3

Martangiang au sasadari tu Ho, Debatangku do Ho, ibo ma rohaMu di au.

MASMUR 95:6

Beta ma hita tungkap, jana marsinggang ma hita tu jolo ni Tuhan na manompa hita.

DANIEL 6:13

Marnida i, kehe ma halahi sude manopot raja i laho mangaduhon si Daniel. Didok halahi ma, “Inda he na dung diteken raja i surat parenta na mangalarang sude jolma di bagasan tolu pulu ari on palalu pangidoan tu sada sian angka debata sanga jolma asing tu raja i sajo? Boti muse, danggurkonon do sanga ise na mangalaosi parenta i tu bagasan liang ni singa?” Dialusi raja i ma, “Olo tutu do i, jana gabe undang-undang ni Media dohot Persia na so tarpauba-uba do parenta i.”

DANIEL 9:4

Huoku do disi sude dosa ni bangsongku tu Tuhan Debatangku. Ningku do, “O Tuhan Debata, na godang do Ho jana hami parsangapi do Ho. Sai dipatulus Ho do baga-bagaMu jana dipatuduhon Ho do holong ni rohaMu na manongtong i tu angka na marholong ni roha tu Ho jana na patuluskon sanga aha na niparentahonMu.

JUNUS 2:4

Hudok ma di bagasan rohangku: Na hona usir ni Tuhan do au sian joloNia. Indangkon na idaonku be i inganan parmiananNia na badia i.

MARKUS 3:3

Didok Jesus ma tu na mate i tanganna sabariba, “Di tonga-tonga on ma ho jongjong.”

LUKAS 14:26

“Muda adong halak na ro tu Au, hape holongan do rohania mida inangnia, amangnia, dadaborunia, dakdanaknia, kahangginia, angka ibotonia dohot dirinia sandiri pe tehe, nada tarbaen halak na songon i gabe siihutkon Au.

LUKAS 22:41

Dung i dipadao Ia ma saotik sian halahi, hira-hira sandanggur batu daona, marsinggang ma Ia martangiang,

BAENON NI ANGKA RASUL 10:9

Ancogotna i, di na mardalan halahi marayak lalu tu Jope, manaek ma si Petrus tu tarup ni bagas giot martangiang, hira-hira pukul dua bolas tonga ari.

BAENON NI ANGKA RASUL 2:15

Nada na mabuk halak on songon na nidokmunu i, harana pukul sambilan dope saonnari.

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

BAENON NI ANGKA RASUL 20:36

Dung sidung si Paulus na mandok hata i, singgang ma ia rap dohot halahi sude martangiang.

BAENON NI ANGKA RASUL 21:5

Tapi dung dapot hatihana sai honok hami disi, hami tadingkon ma halahi, hami patorus ma pardalanannami. Sude ma halahi pataru hami, na menek na magodang, ama dohot ina lopus tu ruar ni kota i. Di topi ni laut i marsinggang ma hami martangiang disi.

BAENON NI ANGKA RASUL 3:1

Sanoli rap kehe ma si Petrus dohot si Johannes tu Bagas Ni Debata pukul tolu andospotang, i ma hatiha ni na martangiang.

BAENON NI ANGKA RASUL 4:29

Saonnari ligi ma ale Tuhan pangondam ni halahi tu hami. Paloas ma hami Tuhan angka naposoMon pararatkon baritaMi so pola mardongan biar.

BAENON NI ANGKA RASUL 5:20

“Kehe ma hamu tu Bagas Ni Debata, jana disi ma hamu jongjong laho mamaritahon sude hata hangoluan i tu halak na bahat.”

BAENON NI ANGKA RASUL 5:29

Dialusi si Petrus dohot rasul na asing i ma, “Angkon Debata do ihutkononta, nada jolma.

BAENON NI ANGKA RASUL 7:60

Marsinggang ma ia, dipagogo ia ma sorania mandok, “Ulang ma dijujur dosa on tu halahi, ale Tuhan!” ning ia. Dung didok ia songon i, marujung ma ngolunia. Si Saulus pe moga ma dihilala ia hara ni na mamunu jolma i.

BAENON NI ANGKA RASUL 9:40

Disuru si Petrus ma halahi sude anso haruar, jana singgang ma ia martangiang. Dung i dipaadop ia ma tu bangke ni si Dorkas jana didok ia ma, “Tabita, ngot ma ho!” Jadi dipabolnang ia ma matania jana dung diida ia si Petrus, juguk ma ia.

EPESUS 3:14

Hara ni i ma umbaen na marsinggang au di adopan ni Ama i.

PILIPPI 1:14

Jana dung di bagasan hurungan on au, gabe bahatan ma angka dongan sahaporsayaan gabe mur marpos ni roha tu Tuhan, mambaen halahi gabe mur puluk manjamitahon hata ni Debata so pola mardongan biar.

PILIPPI 1:20

Hum on ma i na sai hupangidohon dohot na huaropkon: Ulang nian gabe so tulus sidung karejongku. Sai diarop rohangku do tongtong lumobi saonnari anso mur puluk au sian sudena roha bope pamatangku – sanga mangolu sanga na mate pe au – laing nipasangap ma Kristus.

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

KOLOSSE 3:17

Pendekna, sanga aha sikarejohonon sanga sidokkononmunu, angkon mangasahon Tuhan Jesus do karejohonon jana dokkononmunu i. Jana mandok tarimakasi ma hamu tu Debata Ama i markite-hite Jesus.

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

IBRANI 4:16

Hara ni i, pos ma rohanta ulang pola mabiar be hita mandapotkon habangsa parasinirohaan, anso tajagit ibo ni roha dohot dumpangan asi ni roha, na gabe pangurupi di hatiha na dung ditontuhon i.

HALUMBAAN 2:10

Ulang ho mabiar taringot tu na giot taononmu. Ligi ma dabuon ni sibolis ma deba sian hamu tu bagasan hurungan, anso niuji hamu, jana manaon parkancitan ma hamu salolot sampulu ari. Sai bonar ma rohamunu lopus tu hamatean i, dung i lehenonKu ma di ho tuku hangoluan.

HALUMBAAN 2:13

Huboto do sanga di dia hamu maringanan. Di inganan ni kuaso ni Sibolis i do ingananmunu. Burju do hamu tu Au. Dompak na dibunu i pe si Antipas saksingKu na burju i di tonga-tongamunu di markas ni Sibolis i, disi pe nada disoadahon hamu paboa na porsaya hamu di Au.