DANIEL 5:7 - BIBEL JAMITA NA DENGGAN

⁷ Mangarar ma ia lalu mangido anso dipiohon angka datu na malo manjujur, na malo marjampi-jampi dohot na umboto parhalaan. Dung ro halahi, didok raja i ma, “Sanga ise na malo mambasa suratan i dohot paboahon astuanna tu au, lehenonku ma pakean harajaan, i ma baju juba na bunga torung dohot borgok sere tanda ni hasangapon. Tamba ni i angkatonku ma ia gabe parkuaso na patoluhon di bagasan harajaanku.”

DANIEL 5:7 ပူးပေါင်းရင်းမြစ်များ

PAMUNGKAAN 41:8

Jadi dung torang ari, marsak ma da roha ni raja i, gabe disuru ia ma anso dipio sude datu parelmu dohot halak na pistar na adong di Mesir. Jadi dipaboa ia ma nipinia i tu halahi; tapi sahalak pe nada adong na tarbaen patorangkon astuanna.

ESTER 3:1

Dung piga-piga taon diangkat Raja Ahasweros ma sada halak na margoar si Haman gabe perdana menteri. Anak ni si Hamedata na sian pomparan ni si Agag do si Haman.

HARURUAR 7:11

Hara ni i dipiohon raja i ma angka halakna parelmu dohot parsibalik mata, gabe dibaen halahi muse ma songon i mangihutkon elmu ni halahi.

PODA 1:9

angke songon hiasan bunga-bunga do i di ulumu, jana songon borgok do i di rungkungmu na pajegeskon rupamu.

ENDE NA GODANG 1:10

Jeges ni hurummu, obukmu pajagar ulu manutupi rungkung songon simata.

JESAYA 47:13

Madung sorat ho hara ni bahat ni sipaingot. Piohon ma antong angka partondung, anso malua ho. Diparsiajari halahi do angka bintang, jana ditontuhon batas ni langit na hembang. Ganop bona ni bulan na imbaru diramal halahi ma bagianmu.

JEREMIA 50:35

Didok Tuhan ma, “Angkon dipatimpas Babel rap dohot rayat dohot parkuaso maradu barisan na malo marroha.

JEHESKIEL 16:11

Hupajogi ho dohot simata intan, borgok dohot angka golang.

DANIEL 1:20

Ganop dipasahat raja i parsoalan na mamorluhon hatorangan dohot partimbangan, sampulu lompit dumenggan diida ia sipaingot dohot hatorangan ni doli-doli na opat i martimbangkon sipaingot dohot hatorangan ni sude partondung dohot panjampi na malo di sude harajaan i.

DANIEL 1:4

Angkon doli-doli na so martihas do halahi. Angkon tongam, parsikola dohot na tangkas parbinotoanna di sasudena, na pistar dohot na bahat parbinotoan jana na patut markarejo di bagasan bagas godang. Angkon ajaran ni si Aspenas halahi manyise dohot manyurat di hata Babel.

DANIEL 2:2

Hara ni i dipiohon ia ma angka partondung, parjampi-jampi, datu dohot Kasdim laho patorangkon angka nipina i.

DANIEL 2:27

Dialusi si Daniel ma, “Rajanami, nada adong halak na marilmu, na malo manjampi, partondung sanga pe na umboto parhalaan tarbaen paboahon na songon i tu raja i.

DANIEL 2:48

Dung i dilehen ia ma di si Daniel pangkat na gincat, dileheni ia angka silua na jeges-jeges, jana diangkat ia si Daniel gabe pangarajai ni Babel lalu dibaen ia gabe pamimpin ni sude panuturi ni raja.

DANIEL 2:6

Tapi muda dapot hamu do, lehenonku ma tu hamu silehen-lehen na denggan dohot hasangapan. Antong, paboa hamu ma saonnari nipingki dohot astuanna!”

DANIEL 4:14

Gogo ma sorania mangkuling mandok, ‘Taba ma hayu i jana tultuli ma angka dangkana, rurus ma bulungna i jana sarsarkon batuna i. Paorot ma angka binatang na marmodoman di toruna i dohot angka unggas na marasari di dangka-dangkana i.

DANIEL 5:11

Angke adong do di harajaan ni raja i sada bayo na nirajaan ni angka tondi ni debata na badia. Taran amanta ni raja i mamarenta tarida do bahaso na tutu bayo i maniop hapistaran, parbinotoan dohot bisuk, tudos tu habisuhon ni angka debata. Amanta ni raja i Raja Nebukadnesar madung mangangkat bayo i gabe pamimpin ni angka na malo manjujur, na malo marjampi-jampi, angka halak na marilmu dohot angka na umboto parhalaan.

DANIEL 5:15

Madung diuji angka na malo dohot na umboto jampi mambasa surat on dohot paboahon astuanna tu au. Tapi nada malo halahi.

DANIEL 5:16

On dope hubege paboa na malo ho mambuka sandok rahasia dohot pasidungkon angka soal-soal na maol. Muda malo ho mambasa surat on dohot paboahon astuanna tu au hulehen pe di ho pakean harajaan baju juba na bunga torung dohot borgok sere tanda ni hasangapan. Tamba ni i, huangkat pe ho gabe parkuaso na patoluhon di bagasan harajaanku.”

DANIEL 5:29

Manigor diparentahon si Belsasar ma angka pagawenia anso dipapakehon tu si Daniel baju juba na bunga torung jana dibaen borgok sere tu rungkungnia. Jadi diangkat ia ma si Daniel gabe parkuaso na patoluhon di bagasan harajaannia i.

BILANGAN 22:17

Bahat pe hugarari tu ho laho patuluskon aha sajo na hudok. Ro ma ho jolo manolong ahu, burai ma bangso i.”

BILANGAN 22:7

Jadi kehe ma pamimpin ni halak Moab dohot halak Midian i, maroban upa di si Bileam, anso diburai ia halak Israel. Kehe ma halahi manopot si Bileam pabolkaskon tona ni Raja Balak

BILANGAN 24:11

Saonnari mulak ma ho. Madung hujanjihon mangalehen upamu, tapi nada diisinkon Tuhan jagitonmu upa i.”

1 SAMUEL 17:25

“Ligi ma!” ninna halahi na sada tu na asing. “Bege ma pangalap-alapinia i! Madung dijanjihon si Saul rajanta i, sanga na ise pe na mamunu si Goliat, dapotan upa na godang. Tola muse ma buatonna boru ni raja i. Jana malua ma sian pajak amangna i.”