DANIEL 5:23 - BIBEL JAMITA NA DENGGAN

²³ Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

DANIEL 5:23 ပူးပေါင်းရင်းမြစ်များ

PAMUNGKAAN 14:19

dipasupasu ia ma si Abram jana ning ia ma, “Sai dipasupasu Debata Na Gumincat i ma si Abram!

PAMUNGKAAN 2:7

Dung i dibuat Tuhan Debata ma saotik tano i, jana dibaen Ia ma sada jolma sian tano i; jadi diombuskon Ia ma hosa hangoluan tu lubang ni igung ni jolma i, gabe mangolu ma jolma i.

2 RAJA-RAJA 14:10

Hara ni na dung talu dibaen ho halak Edom ale Amasia, gabe ginjang ma rohamu. Dumengganan ma marmoga-moga ho hara ni hamonanganmi, di bagasmu ma ho. Aha ma gunana di ho mangalap-alapi hasusaan na hum pabaen-baen mago tu ho sandiri dohot tu rayatmu?”

JOB 12:10

Ia do na mangatak mangatur sasudena na nitompa. Jana na kuaso di hosa ni ganop jolma manusia.

JOB 31:4

Diboto do sasude pangalahongku; dipamanat Ia do sandok langkangku.

MASMUR 104:29

Muda manaili Ho tu pudi, mabiar be ma halahi; muda dibuat Ho hosana i, mago noma halahi mulak muse ma halahi, gabe orbuk songon di mulana i.

MASMUR 115:16

Hum Tuhan do nampuna langit, tapi anggo tano on dilehen Ia do tu jolma.

MASMUR 139:3

Diida Ho do au, sanga na karejo sanga na maradian; diboto Ho do sude na hubaen.

MASMUR 146:4

Muda mate halahi, mulak be do halahi tu tano, laing di na sadari i sisoada ma sude sangkap na nibaenna.

PODA 20:24

Tuhan do manontuhon dalanta; tapi bia ma baenon ni jolma mangastui pardalanan ni ngoluna.

JESAYA 13:11

“ParoonKu ma mara tu portibi on jana uhumanKu ma sude halak na jahat hara ni angka dosa ni halahi. Sanga ise siginjang roha Hupatutoru, halak na gakgak dohot na kejam uhumonKu.

JESAYA 14:13

Anggo giot ni rohamu nian sai na giot tu langit, jana mambaen habangsamu di ginjang ni bintang pargincat! Diambang ho tarbaen ho ma juguk di ginjang ni dolok na di Utara, inganan parpunguan ni angka debata.

JESAYA 33:10

Didok Tuhan tu angka bangso i, “Saonnari martindak noma Au. PatuduhononKu ma sanga songon dia godang ni kuasongKu.

JESAYA 37:19

Ditutungi jana ditapori halahi angka debatana, dibaen nada i Debata. Hum patung na nibaen sian hayu dohot batu sajo do i antong na nibaen ni tangan ni jolma; hara ni i do umbaen na bisa disegoi jolma.

JESAYA 37:23

Ise dehe na nipaila dohot na nipabilemu! Tu ise dehe dipasihil ho soramu, dohot pangaligimu na sombong? Tu na badia, Debata ni Israel.

JESAYA 42:5

Songon on ma didok Debata, Tuhan, na manompa langit jana na paherbangkonsa na manompa tano on dohot sude na tubu di ginjangna na mangalehen hosa tu angka jolma na manginganisa.

JEREMIA 10:23

Huboto do ale Tuhan, sahalak pe nada margogo manontuhon dalanna sanga mangatur pardalan ni ngoluna.

JEREMIA 48:26

Didok Tuhan ma, “Baen ma Moab gabe mabuk, hara ni na mangalo ia tu Au. Margiling-giling ma ia di uta-utania i jana partataan ni halak.

JEREMIA 50:28

Dicaritohon angka halak na lari sian Babel tu Jerusalem ma sanga songon dia pamalos ni Tuhan Debatanta di parbuatan ni halak Babel maradopkon bagas na badiaNia.)

JEREMIA 50:29

Didok Tuhan, “Suru hamu ma angka parpana manyerang Babel. Arahon hamu ma sandok halak na malo mamake pana. Hobuk hamu ma kota i jana sahalak pe ulang paloas hamu luncat. Baloskon sude pambaenanna i jana baen hamu ma tusi hombar tu pangalahona angke na dung salpu do pambaenna maradopkon Au, Na Sun Badia, Debata Ni Israel.

JEHESKIEL 28:17

Rupamu na tongam i ma mambaen ho gakgak jana patunda ni habonggalanmi ma mambaen maoto ho di pangalahomu. Jadi hara ni i Hutombomkon ma ho tu tano jana Hubaen gabe sipatondit tu angka raja na asing.”

JEHESKIEL 28:2

“Ale jolma parsantongkinan, palalu ma tu raja ni Tirus, sanga aha na Hudok, Au Tuhan Debata mandok tusia, ‘Bulbul ni hatamu antong mandok na dung dietong ho dirimu debata na mangarajai sude laut. Muda na giot songon debata pe pangalahomu, guru di ho ma i, tapi ingot ma, jolma na somal sajo do ho.

JEHESKIEL 28:5

Tutu ma da malo ho marboniaga jana saonnari lobi hamoraonmu, jana sinadonganmi ma mambaen gakgak ho!’ ”

JEHESKIEL 31:10

Hara ni i, Au Tuhan Debata, pabotohon tu hamu sanga aha na giot masa tu hayu na lalu i puncuna tu ombun. Angke mur gincat ia, mur ginjang do rohania.

DANIEL 11:12

Dung i ginjang ma rohania hara ni hamonangannia i dohot hara ni bahat ni musu dimatehon ia, tapi nada sai torus ia monang.

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

DANIEL 8:11

Mur dialo ia muse ma dohot Panglima ni tentara ni banua ginjang, diantak ia haul parhaulan siganop ari na dihaulkon tu Panglima i, jana dirupakkon ia ma bagas paribadatan tuSia.

HABAKUK 2:4

Jana ingot ma: halak na gakgak nada tigor rohana, tapi anggo halak na tigor sian haporsayaanna, i do na giot mangolu.”

BAENON NI ANGKA RASUL 17:25

Nada na nioloan ni tangan ni jolma Ia, songon na hurangan Ia di bagi aha, angke apala Ia do na mangalehen hangoluan dohot hosa dohot sude na asing i tu sude jolma.

1 KORINTUS 8:4

Anggo taringot tu na mangankon sipanganon na dung nihaulkon tu gana-ganaan, taboto do, nada adong satutuna anggo na nigambarkon ni gana-ganaan i. Jana tangkas do taboto, anggo Debata hum sada sajo do; nada adong be na asing.

1 TIMOTEUS 3:6

Nada tola halak na baru masuk Kristen gabe pamimpin ni parlagutan angke gabe ginjang do rohania, jadi gabe hona bura ni Sibolis ia.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

HALUMBAAN 9:20

Hape laing so ra dope jolma na so hona bunu i pauba rohana sian sasude na nibaen ni halahi sandiri. Laing na so mantak do halahi marsomba tu angka begu dohot tu angka gana-ganaan sere, perak, tumbaga, batu dohot hayu na so marnida sanga marbinege, sanga pe mardalan.

HAKIM-HAKIM 16:23

Sanoli marlagut ma angka na markuaso ni Pilistin giot marpesta dohot pasahatkon haul marsitutu tu Dagon, debata ni halahi. Marende ma halahi, “Madung dilehen debatanta i hamonangan di hita maralohon si Simson, musunta i!”

1 SAMUEL 17:26

Dung i marsapa ma ia tu angka halak na jongjong donok tusia, “Aha ma he upa sijagiton ni halak na mamunu halak Pilistin i dohot na manyesa habilean sian Israel?” Ise do lakna halak Pilistin si pelebegu on na barani mangalapi tentara ni Debata na mangolu i.

1 SAMUEL 17:36

Na dung hubunu do singa sanga pe gompul, jana sarupa ma bagian ni halak Pilistin si pelebegu i songon angka binatang i, dibaen na dung barani ia mangalo-alo tu tentara ni Debata na mangolu i.