DANIEL 5:13 - BIBEL JAMITA NA DENGGAN

¹³ Manigor ma si Daniel dioban mangadop tu jolo ni raja i. Jadi disapai raja i ma tusia, “Ho dehe si Daniel halak Jahudi na tarbuang na nioban ni damang sian tano Juda?

DANIEL 5:13 ပူးပေါင်းရင်းမြစ်များ

ESRA 10:16

Laing hot do giot padalanon ni angka halak buangan na dung mulak i sangkap i, jadi gabe dipili Malim Esra ma sanga na piga-piga halak sian tonga-tonga ni angka kapala ni horong, lalu disuratkon ia goarna. Di tanggal sada bulan sampulu dipungka halahi ma manangkasi parkaro i.

ESRA 10:7

Dung i dipasar ma sada boa-boa tu sude Jerusalem dohot Juda tu sandok halak Israel na dung mulak sian habuangan i anso marlagut di Jerusalem.

ESRA 4:1

Tarbege do tu musu ni halak Juda dohot Benyamin barita bahaso na mambangun angka halak na tarbuang i hian, i ma Bagas Ni Tuhan, Debata ni Israel.

ESRA 6:16

Dung i di bagasan jop ni roha ditabalkon halak Israel ma, angka malim, angka halak Levi maradu sude angka na tarbuang i hian ma Bagas Ni Tuhan i.

DANIEL 1:1

Tolu taon dung mamarenta Raja Joyakim di Juda, ro ma si Nebukadnesar raja ni Babel mamorangi kota Jerusalem jana manghobuksa.

DANIEL 1:2

Dipaloas Tuhan do ia manaluhon Raja Joyakim dohot mangarampas deba sian angka barang sigodang arga na di Bagas Ni Tuhan. Angka halak na nitabannia, dioban ia ma i tu bagas parsombaan ni debatana di Babel jana angka barang-barang na nirampasnia i disimpan ia ma i di bagasan bagas parsombaan i.

DANIEL 1:21

Tongtong do disi maringanan si Daniel lopus tu taon parjolo mangarajai si Kores.

DANIEL 1:6

Jana sian angka doli-doli i, masuk ma disi si Daniel, si Hananya, si Misael dohot si Asarya, sian Marga Juda do halahi.

DANIEL 2:25

Manigor dioban si Ariokh ma si Daniel manopot Raja Nebukadnesar lalu didok ia ma: “Padumpang do au dohot sada halak sian angka buangan Jahudi i, na malo paboahon nipi ni raja i.”

DANIEL 2:48

Dung i dilehen ia ma di si Daniel pangkat na gincat, dileheni ia angka silua na jeges-jeges, jana diangkat ia si Daniel gabe pangarajai ni Babel lalu dibaen ia gabe pamimpin ni sude panuturi ni raja.

DANIEL 5:11

Angke adong do di harajaan ni raja i sada bayo na nirajaan ni angka tondi ni debata na badia. Taran amanta ni raja i mamarenta tarida do bahaso na tutu bayo i maniop hapistaran, parbinotoan dohot bisuk, tudos tu habisuhon ni angka debata. Amanta ni raja i Raja Nebukadnesar madung mangangkat bayo i gabe pamimpin ni angka na malo manjujur, na malo marjampi-jampi, angka halak na marilmu dohot angka na umboto parhalaan.

DANIEL 5:14

Hubege dirajai angka tondi ni debata na badia do ho, jana adong do di ho hapistaran, parbinotoan dohot bisuk na sumurung.

DANIEL 5:18

Dibaen Debata Na Gumincat i do si Nebukadnesar simatobang ni raja i gabe raja bolon jana dilehen tusia hagodangan bope habonggalan.

DANIEL 5:2

Taran na minum-minum i halahi, diparentahon si Belsasar ma anso dipambuati angka mangkuk sere dohot perak na nirampas ni amangnia si Nebukadnesar sian bagasan Bagas Na Badia na di Jerusalem. Giot ni Raja Belsasar anso sian angka mangkuk i ma minum angka halak na godang-godang i, angka dadaboruna be, angka gundiknia dohot ia sandiri.

DANIEL 6:13

Marnida i, kehe ma halahi sude manopot raja i laho mangaduhon si Daniel. Didok halahi ma, “Inda he na dung diteken raja i surat parenta na mangalarang sude jolma di bagasan tolu pulu ari on palalu pangidoan tu sada sian angka debata sanga jolma asing tu raja i sajo? Boti muse, danggurkonon do sanga ise na mangalaosi parenta i tu bagasan liang ni singa?” Dialusi raja i ma, “Olo tutu do i, jana gabe undang-undang ni Media dohot Persia na so tarpauba-uba do parenta i.”

DANIEL 8:1

Di taon patoluhon mamarenta Raja Belsasar, tarida ma tu au, si Daniel, sada parnidaan na asing sian parnidaan na parjolo.

DANIEL 8:27

Dung i gale ma hulala lalu marnyae ma au adong piga-piga ari. Dung i jongjong ma au jana hukarejohon angka karejongku di raja i. Tapi sai susa do rohangku mamikirkon angka parnidaan i jana nada tarastui au.

JOHANNES 7:1

Dung i mardalani ma Jesus di Galilea. Nada ra Ia anggo tu Judea hara ni angka parkuaso ni halak Jahudi na disi, na sai manjalahi dalan giot mamunu Ia.

JOHANNES 7:3

Jadi didok angka kahanggiNia ma tuSia, “Kehe ma Ho sian on tu Judea, anso laing diida angka siseanMi parkarejoanMu.