DANIEL 5:12 - BIBEL JAMITA NA DENGGAN

¹² Sun do malo ni bayo i dohot bisukna boti malo do ia patorangkon nipi, mambuka rahasia dohot pasidungkon angka soal-soal na maol. Si Daniel goarna, tapi anggo raja i mandok si Beltsasar do goarnia. Paboaonnia do tu raja i sanga aha astuan ni suratan on.”

DANIEL 5:12 ပူးပေါင်းရင်းမြစ်များ

MASMUR 16:3

Hupasangap angka halak na daulat di luat on, tinggal rap dohot halahi, i ma huhagiotkon.

PODA 12:26

Ditogu halak na tigor do donganna tu dalan hasintongan, tapi muda dalan ni parjahat mangaliluhon ia sandiri.

PODA 17:27

Asok do mangkobari halak na pistar, jana torang do marpikir halak na mangastui.

JEHESKIEL 28:3

Ninna rohamu ummalo do ho sian si Daniel, gabe nada adong be na buni di ho.

DANIEL 1:17

Dilehen Debata ma tu doli-doli na opat i bisuk dohot hamaloon di parbinotoan taringot tu hata dohot ragam ni angka surat. Tambani i dilehen Ia muse do tu si Daniel hamaloon laho patorang parnidaan dohot nipi.

DANIEL 1:7

Digonti kapala ni juaro bagas i ma goar ni halahi gabe: Si Daniel gabe si Beltsasar, si Hananya gabe si Sadrakh, si Misael gabe si Mesakh jana si Asarya gabe si Abednego.

DANIEL 2:26

Jadi didok raja i ma tu si Daniel na margoar muse si Beltsasar, “Tarpaboa ho dehe tu au nipingki dohot astuanna?”

DANIEL 4:19

Umbege i, tarsonggot jana longang ma sangombas si Daniel na nigoaran muse si Beltsasar. Jadi au Raja Nebukadnesar, hudok ma tusia, “Beltsasar, ulang pola susa rohamu hara ni nipi i dohot astuanna.” Dialusi si Beltsasar ma, “Rajanami, denggan ma i sugari nian tu angka musu ni raja i ma masa angka na tarjadi na nipaboa ni nipi i jana ulang ma nian tu raja i.

DANIEL 4:8

Ujungna ro ma si Daniel na nigoaran muse si Beltsasar songon goar ni debata na husomba i. Dirajai tondi ni angka debata na badia i ma si Daniel. Hupaboa muse ma nipingki tusia,

DANIEL 5:14

Hubege dirajai angka tondi ni debata na badia do ho, jana adong do di ho hapistaran, parbinotoan dohot bisuk na sumurung.

DANIEL 5:16

On dope hubege paboa na malo ho mambuka sandok rahasia dohot pasidungkon angka soal-soal na maol. Muda malo ho mambasa surat on dohot paboahon astuanna tu au hulehen pe di ho pakean harajaan baju juba na bunga torung dohot borgok sere tanda ni hasangapan. Tamba ni i, huangkat pe ho gabe parkuaso na patoluhon di bagasan harajaanku.”

DANIEL 6:3

Diangkat ia ma si Daniel dohot dua halak donganna laho manjago angka gubernur i anso ulang marugi raja i dibaen halahi.

DANIEL 6:4

Manigor torang ma tarida na dumenggan parkarejoan ni si Daniel ulang pado angka gubernur dohot angka parpangkat na gincat na asing i. Hara ni i, por ma roha ni raja i giot mangangkat ia gabe parkuaso di sude harajaan i.

KOLOSSE 1:29

Hugogoi do markarejo anso lalu tu tujuan i. Marjuang do au mamake sude gogo na nipasahat ni Kristus di au jana na markarejo di bagasan diringku.