DANIEL 5:11 - BIBEL JAMITA NA DENGGAN

¹¹ Angke adong do di harajaan ni raja i sada bayo na nirajaan ni angka tondi ni debata na badia. Taran amanta ni raja i mamarenta tarida do bahaso na tutu bayo i maniop hapistaran, parbinotoan dohot bisuk, tudos tu habisuhon ni angka debata. Amanta ni raja i Raja Nebukadnesar madung mangangkat bayo i gabe pamimpin ni angka na malo manjujur, na malo marjampi-jampi, angka halak na marilmu dohot angka na umboto parhalaan.

DANIEL 5:11 ပူးပေါင်းရင်းမြစ်များ

PAMUNGKAAN 41:38

jadi didok raja i ma tu halahi, “Aropku nanggo dapot hita be da na dumenggan halakna sian si Josep on, harana ia do na nigohan ni Tondi Ni Debata.”

2 SAMUEL 14:17

Pos do rohangku rajanami laing janji ni raja i noma na manjamin haluaanku angke na songon surusuruan ni Debata do raja i na tuk gogo paasingkon na denggan dohot na jat. Sai didongani Tuhan Debata ni raja i ma antong nian raja i!”

JEHESKIEL 28:3

Ninna rohamu ummalo do ho sian si Daniel, gabe nada adong be na buni di ho.

JEHESKIEL 28:4

Dipake ho ma malo-malomu dohot na nibotomu laho palagut arta, sere dohot perak.

DANIEL 1:4

Angkon doli-doli na so martihas do halahi. Angkon tongam, parsikola dohot na tangkas parbinotoanna di sasudena, na pistar dohot na bahat parbinotoan jana na patut markarejo di bagasan bagas godang. Angkon ajaran ni si Aspenas halahi manyise dohot manyurat di hata Babel.

DANIEL 2:11

Na maol do na nipangido ni raja i, sahalak pe nada adong na bisa paboahon i, asing sian angka debata, na so sainganan dohot jolma.”

DANIEL 2:22

Dibuka Ia do rahasia na lobi bagas. Diboto Ia do sude na tarjadi di bagasan hagolapan. Jana sinondang maringan di bagasan Ia.

DANIEL 4:18

I ma da nipingki, ale Beltsasar. Saonnari paboa ma astuanna tu au. Sahalak pe sian angka halak na malo na adong di harajaankon nada malo paboahon tu au, hape anggo ho tarbaen ho do, dibaen dirajai tondi ni angka debata na badia do ho.”

DANIEL 4:5

Tapi di sada borngin taran modom au, marnipi ma au jana manjagit parnidaan na mambaen rohangku marsak situtu.

DANIEL 4:6

Jadi hupio ma angka halak na malo na adong di Babel laho patorangkon tu au astuan ni nipingki.

DANIEL 5:14

Hubege dirajai angka tondi ni debata na badia do ho, jana adong do di ho hapistaran, parbinotoan dohot bisuk na sumurung.

DANIEL 5:7

Mangarar ma ia lalu mangido anso dipiohon angka datu na malo manjujur, na malo marjampi-jampi dohot na umboto parhalaan. Dung ro halahi, didok raja i ma, “Sanga ise na malo mambasa suratan i dohot paboahon astuanna tu au, lehenonku ma pakean harajaan, i ma baju juba na bunga torung dohot borgok sere tanda ni hasangapon. Tamba ni i angkatonku ma ia gabe parkuaso na patoluhon di bagasan harajaanku.”

BAENON NI ANGKA RASUL 12:22

Marsurahi ma rayat na umbege pidatonia i mandok, “Hata ni debata do on, nada hata ni jolma be da i!” ning halahi.

BAENON NI ANGKA RASUL 14:11

Dung diida halak na nibaen ni si Paulus i, marsurahi ma halahi di hata Likaonia, “Ma mijur angka debata tu tano on marrupa jolma,” ninna halahi.

BAENON NI ANGKA RASUL 16:16

Di sada ari hatiha kehe hami tu inganan partangiangan, marsuo ma hami dohot sada hatoban dadaboru. Na hona setan do anak boru i, jana tarpaboa setanna i do sanga aha na giot masa. Hara ni na sai mangaligi nasib ni halak ia, gabe bahat ma parlaboan ni angka tuannia.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.