DANIEL 4:37 - BIBEL JAMITA NA DENGGAN

³⁷ Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

DANIEL 4:37 ပူးပေါင်းရင်းမြစ်များ

2 JUJUR TAON 33:19

Di bagasan Buku Sejarah Ni Panurirang-panurirang disuratkon muse do tangiang ni si Manase dohot alus ni Debata tu tangiangnia i, songon i ma barita salaho tu angka dosania painte so muba rohania, angka inganan parsombaan ni gana-ganaan dohot angka patung ni Debata Asera na nibaennia, angka gana-ganaan na nisombania.

ESTER 6:10

Jadi didok raja i ma tu si Haman, “Patibu, buat ma pakean dohot kudo i jana lehen ma angka tanda hasangapan i tu si Mordehai, halak Jahudi i. Baen ma songon na nidokmu nangkin, ulang urahi hum sada pe. Bolas do dapotonmu ia juguk-juguk di jolo ni pintu horbangan ni bagas godang on.”

MASMUR 119:75

Huboto do ale Tuhan, tigor do haputusanMu, hara ni habonaranMu, diuhum Ho au.

MASMUR 99:4

Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

HARURUAR 18:11

Saonnari madung huboto, gumodang do hape Tuhan i sian sandok debata, harana di hatiha di hasombongan ni halak Mesir maradopkon halak Israel do dibaen Tuhan sudena on.”

HARURUAR 8:4

Mangamburi ma tohuk i tu pamatangmu, tu pamatang ni rayatmu dohot tu sude menterimu.’ ”

JESAYA 23:9

Tuhan Na Markuaso i, Ia do na mambaen haputusan i. Diputuskon Ia ma laho paujungkon ginjang ni roha ni halak na disi hara ni sude suha na dapot ni halahi jana patorukkon angka halak na sumangap sian tonga-tonga ni halahi.

JESAYA 5:16

Tapi patuduhonon ni Tuhan Na Markuaso i ma hagodanganNia markite-hite na patuluskon sanga aha na tigor, jana Debata Na Sun Badia angkon patidahon habadiaanNa di bagasan hasintonganNa.

JEREMIA 50:29

Didok Tuhan, “Suru hamu ma angka parpana manyerang Babel. Arahon hamu ma sandok halak na malo mamake pana. Hobuk hamu ma kota i jana sahalak pe ulang paloas hamu luncat. Baloskon sude pambaenanna i jana baen hamu ma tusi hombar tu pangalahona angke na dung salpu do pambaenna maradopkon Au, Na Sun Badia, Debata Ni Israel.

JEHESKIEL 16:56

Nada he unjung do dipartatai ho Sodom taran ginjang rohamu

JEHESKIEL 16:63

SesaonKu ma sude hasalaanmu, tapi nada tarhalupahon ho i jana ila ma rohamu laho mandok sanga na aha. Au Tuhan Debata madung mandok songon i.”

DANIEL 4:26

Diparentahon surusuruan i do anso dipadiar tungko ni hayu i tinggal di bagasan tano i. Astuan ni i mandok gabe raja do mangulahi raja i dung dioku raja i, na guru di Debata do sude portibi on.

DANIEL 4:3

Halongangan situtu ma da tanda na nibaenNia! Hahomangan godang do di roha na nipatupaNia! Mamarenta salolot-lolotna do Debata! Markuaso do Ia sapanjangna.”

DANIEL 4:34

“Dung salpu hatiha sipitu taon i, hupadorgak ma tu langit gabe sumuang ma torang rohangku. Jadi hupuji ma Na Gumincat i. Hupasangap jana hupagodang ma na Tongtong Mangolu i, Mamarenta noma Debata salolot-lolotna. Markuaso do Ia sapanjangna.

DANIEL 5:4

Dipuji-puji halahi muse ma angka debata na nibaen sian sere, perak dohot tumbaga, bosi, hayu dohot batu.

MATEUS 11:25

Jadi didok Jesus ma hatiha i, “Ale, Amang, Tuhan ni langit dohot tano! Tarimakasi ma Hudok tu Ho dibaen dibunihon Ho do i sude di halak na malo dohot na pistar. Hum tu halak na so pola pistar do dipatidahon Ho i.

BAENON NI ANGKA RASUL 17:24

Debata na manjadihon tano on dohot sude isina, i ma Tuhan di langit dohot di tano on. Nada ra Ia maringanan di angka bagas ni debata na nipature ni tangan ni jolma.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

HALUMBAAN 16:7

Hubege ma sada sora sian inganan parkaulan i. Didok sora i ma, “Sintong jana tigor do sudena haputusan na nibaenMi, ale Tuhan Debata Parkuaso Na Sumurung.”

1 SAMUEL 2:3

Antak ma hata-hatamu na rumar i, paujung ma burasmu na teal i! Angke Debata Na Sun Mamboto do Tuhan na manguji sude pambaenan ni jolma.