DANIEL 4:31 - BIBEL JAMITA NA DENGGAN

³¹ Nada abis dope ia mangkuling di na nibegenia sora sian langit mandok, “Tangihon ma on ale Raja Nebukadnesar! Madung dibuat sian ho kuasomu songon raja.

DANIEL 4:31 ပူးပေါင်းရင်းမြစ်များ

PAMUNGKAAN 14:18

Ro ma si Melkisedek raja ni Salem, malim ni Debata Na Gumincat i muse do ia, maroban roti dohot anggur di si Abram,

JOB 20:23

Dompak hataboanna ia mangan minum, disi ma gurgur muruk ni Debata tusia manguhum.

MASMUR 145:13

Hot do harajaanMu sapanjangna, ro di salolot-lolotna do martahan kuasoMu. O Tuhan, setia do Ho di sude janjiMu, na denggan ma da tutu sude pambaenanMu.

PODA 29:23

Na laho madabu do siginjang roha sipasangapon do halak na toruk roha.

JESAYA 14:27

Madung putus roha ni Tuhan Na Markuaso i laho patupahon songon i. Hortang do tanganNia hobas laho manguhumi, jana nada adong sahalak pe na bolas manyundati Ia.

DANIEL 12:7

Dung i hubege ma sora ni bayo na marbaju linen na jongjong di julu ni batang aek i jana diangkat ia ma tangannia siamun dohot si ambirang adop ginjang anso marsumpa ma ia tu Debata na manongtong i: Sada hatiha dua hatiha dohot satonga hatiha dung abis kuaso ni na mamparkanciti bangso na badia i, marujung muse ma angka na masa i.

DANIEL 4:24

Ale rajanami, on do astuan ni parnidaan i jana on ma na niputuskon ni Na Gumincat i taringot tu ari pangapudian ni raja i.

DANIEL 4:26

Diparentahon surusuruan i do anso dipadiar tungko ni hayu i tinggal di bagasan tano i. Astuan ni i mandok gabe raja do mangulahi raja i dung dioku raja i, na guru di Debata do sude portibi on.

DANIEL 4:30

didok ia ma, “Ligi da, na jeges ma antong kota Babel! Au ma da na mambangun i gabe kota sabungan ni negara laho patandahon kuaso ni hagogoonku, hagodangan dohot habonggalonku!”

DANIEL 4:32

Paoroton ma ho sian parngoluon ni jolma, jana mangolu di padang-padang ma ho songon angka binatang. Pitu taon honokna mangan ruput noma ho songon lombu. Dung salpu i okuonmu ma na markuaso do Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.”

DANIEL 4:34

“Dung salpu hatiha sipitu taon i, hupadorgak ma tu langit gabe sumuang ma torang rohangku. Jadi hupuji ma Na Gumincat i. Hupasangap jana hupagodang ma na Tongtong Mangolu i, Mamarenta noma Debata salolot-lolotna. Markuaso do Ia sapanjangna.

DANIEL 5:20

Tapi dung ginjang rohania, jogal rohana jana jingar, didabuhon do ia sian harajaannia jabat mago dohot hagodangannia.

DANIEL 5:28

Peres; astuanna; madung dibagi harajaan ni raja i jana dipasahat tu halak Media dohot Persia.”

DANIEL 6:27

Huparentahon tu sude jolma na adong di luat na hurajai anso mabiar jana marsomba tu Debata na nisomba ni si Daniel! Debata na mangolu do Ia salolot-lolotna, lopus tu ujung ni sudena do Ia mamarenta. Nada ra mago harajaanNia. GogoNia nada marhaujungan.

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

LUKAS 12:20

Tapi didok Debata ma tusia, ‘O na oto! Laing borngin on mate ma ho! Jana sude na dung dipasingkopmi giot di ho, gabe ise ma nampuna i?’ ”

JOHANNES 12:28

Pasangap ma goarMu da Amang!” Dung i tarbege ma sora sian langit na mandok, “Madung Hupasangap i tapi pasangaponKu dope i mangulahi.”

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

HALUMBAAN 16:7

Hubege ma sada sora sian inganan parkaulan i. Didok sora i ma, “Sintong jana tigor do sudena haputusan na nibaenMi, ale Tuhan Debata Parkuaso Na Sumurung.”

1 SAMUEL 13:14

Hape anggo saonnari nada martahan raja i mamarenta. Dibaen nada diihutkon raja i parenta ni Tuhan, gabe dipili Tuhan ma halak giot ni rohaNa sibaenon raja di bangsoNia.”

1 SAMUEL 15:23

Angke na mangalo tu Tuhan tudos tu na padalan aji do jahat ni i jana hatangkangon sarupa do jahat ni i tu na manyomba debata. Dibaen madung ditulakkon raja i parenta ni Tuhan, jadi Tuhan i pe madung manulakkon raja i songon sada raja.”