DANIEL 4:24 - BIBEL JAMITA NA DENGGAN

²⁴ Ale rajanami, on do astuan ni parnidaan i jana on ma na niputuskon ni Na Gumincat i taringot tu ari pangapudian ni raja i.

DANIEL 4:24 ပူးပေါင်းရင်းမြစ်များ

JOB 20:29

Songon i ma da bagian ni halak na so hasaya, i ma na nitontuhon ni Debata bagianna.”

MASMUR 107:40

dipatutoru Tuhan angka na beteng ni halahi, disuru Ia marpinda-pinda halahi di padang na bidang jana na so adong dalanna.

MASMUR 148:6

Ditontuhon Ia ingananna be ro di salolot ni lolotna, hot do hatontuan i dioloi halahi sude.

MASMUR 2:7

Didok Tuhan i, “Hupabotohon pe sanga aha na nitotopkon ni Tuhan. Ning Ia do tu au, ‘AnakKu do ho, sadari on ma Au gabe Amangmu.

PODA 16:6

Setia jana porsaya ma ho, gabe sesaon ma dosamu, jana oloi ma Tuhan anso dao ma hajahaton sian ho.

PODA 20:28

Muda mardongan hatigoran, holong dohot setia raja mamarenta, gabe totop ma markuaso ia.

JESAYA 23:9

Tuhan Na Markuaso i, Ia do na mambaen haputusan i. Diputuskon Ia ma laho paujungkon ginjang ni roha ni halak na disi hara ni sude suha na dapot ni halahi jana patorukkon angka halak na sumangap sian tonga-tonga ni halahi.

DANIEL 4:17

I ma haputusannami angka surusuruan na hobas jana na manat-manat. On do maksudnami: Anso dioku angka jolma sanga na di dia pe, na markuaso do Na Gumincat i maradopkon harajaan ni jolma dohot mangalehen harajaan i sanga tu ise pe na nitodoNia, bope tu halahi na umbile situtu pe!’

DANIEL 4:19

Umbege i, tarsonggot jana longang ma sangombas si Daniel na nigoaran muse si Beltsasar. Jadi au Raja Nebukadnesar, hudok ma tusia, “Beltsasar, ulang pola susa rohamu hara ni nipi i dohot astuanna.” Dialusi si Beltsasar ma, “Rajanami, denggan ma i sugari nian tu angka musu ni raja i ma masa angka na tarjadi na nipaboa ni nipi i jana ulang ma nian tu raja i.

DANIEL 4:2

Por do rohangku paboahon tu hamu taringot tu tanda dohot hahomangan na nipatupa ni Debata Na Gumincat i tu au.