DANIEL 4:19 - BIBEL JAMITA NA DENGGAN

¹⁹ Umbege i, tarsonggot jana longang ma sangombas si Daniel na nigoaran muse si Beltsasar. Jadi au Raja Nebukadnesar, hudok ma tusia, “Beltsasar, ulang pola susa rohamu hara ni nipi i dohot astuanna.” Dialusi si Beltsasar ma, “Rajanami, denggan ma i sugari nian tu angka musu ni raja i ma masa angka na tarjadi na nipaboa ni nipi i jana ulang ma nian tu raja i.

DANIEL 4:19 ပူးပေါင်းရင်းမြစ်များ

PAMUNGKAAN 31:35

Jadi didok si Rahel ma tu amania i, “Ulang ma muruhi hamu au amang, nada tarbaen au jongjong, harana hatiha ro pantang ni abitku.” Manat ma dijalahi si Laban, hape laing nada dapot ia dewa i.

PAMUNGKAAN 32:18

Angkon alusanmu ma songon on, ‘Nampuna ni si Jakob naposomi do on. Na nitongosnia do on songon somba-sombania tu si Esau, tuannia i. Anggo naposomi si Jakob sandiri mandapoti ma sian pudi.’ ”

PAMUNGKAAN 40:12

Didok si Josep ma, “On ma astuanna: Dangka na tolu i, astuanna tolu ari.

1 RAJA-RAJA 18:7

Di tonga dalan marsuo ma da si Obaja dohot si Elia. Dung ditandai ia si Elia, marsomba ma ia manghormat tu si Elia jana didok ia ma, “Tutu do ulaning si Elia amang?”

HARURUAR 32:32

Tapi saonnari sugari diampuni Ho ma dosa ni halahi i; anggo inda, sesa ma goarku sian buku na nisuratMi.”

JEREMIA 29:7

Markarejo ma hamu anso dumpang hasonangan di angka kota habuanganmunu. Tangiangkon hamu ma tu au salaho tu haporluan ni angka kota i, angke muda masonang kota i laing masonang muse do dohot hamu.

JEREMIA 4:19

Iale hancit ni rohangkon, jana na dangol ma antong di au on. Nada be tarpompom au diringku gumadobur taroktokku, angke hubege do sarune mangkulingi, jana sora ni surak-surak porang marsaringari.

DANIEL 1:7

Digonti kapala ni juaro bagas i ma goar ni halahi gabe: Si Daniel gabe si Beltsasar, si Hananya gabe si Sadrakh, si Misael gabe si Mesakh jana si Asarya gabe si Abednego.

DANIEL 2:26

Jadi didok raja i ma tu si Daniel na margoar muse si Beltsasar, “Tarpaboa ho dehe tu au nipingki dohot astuanna?”

DANIEL 2:37

Na niparsangapan, raja i ma raja ni sandok raja; raja i do na sumangap. Dilehen Debata na di banua ginjang i do tu raja i harajaan on, kuaso, gogo dohot hagodangan.

DANIEL 4:24

Ale rajanami, on do astuan ni parnidaan i jana on ma na niputuskon ni Na Gumincat i taringot tu ari pangapudian ni raja i.

DANIEL 5:12

Sun do malo ni bayo i dohot bisukna boti malo do ia patorangkon nipi, mambuka rahasia dohot pasidungkon angka soal-soal na maol. Si Daniel goarna, tapi anggo raja i mandok si Beltsasar do goarnia. Paboaonnia do tu raja i sanga aha astuan ni suratan on.”

DANIEL 5:18

Dibaen Debata Na Gumincat i do si Nebukadnesar simatobang ni raja i gabe raja bolon jana dilehen tusia hagodangan bope habonggalan.

DANIEL 5:19

Songon i ma antong godangnia, jabat do angka jolma sian sandok bangso, marga ni bangso dohot hata na marragam-ragam, humitir jana mabiar tusia. Muda por rohania mamunu jolma, dibunu ia sajo do halakna i. Dipasangap sanga dipalayas ia do sanga na ise sajo giot ni rohania.

DANIEL 7:15

Longang rohangku jana marsak hara ni angka parnidaan na huida i.

DANIEL 7:28

Olat ni i ma barita i. Ia au, si Daniel, susa sajo do au hara ni i; jana husimpan do i sude di bagasan rohangku.

DANIEL 8:27

Dung i gale ma hulala lalu marnyae ma au adong piga-piga ari. Dung i jongjong ma au jana hukarejohon angka karejongku di raja i. Tapi sai susa do rohangku mamikirkon angka parnidaan i jana nada tarastui au.

HABAKUK 3:10

Hum mangida Ho munggal-unggal ma angka dolok sian langit udan songon na durus dibaen por. Aek na di toru ni tano gumadobur sorana ombakna i marbalun-balun jana manggasa-gasa.

1 SAMUEL 1:15

Tapi dialusi si Hanna ma, “Nada na mabuk au da amang, nada adong minum anggur au! Na marsak situtu do au, tapi na martangiang do au paboahon pardangolanku tu Tuhan.

1 SAMUEL 24:8

Songon i ma dielek si Daud parangannia i, jana nada dipaloas ia halahi mangalo si Saul. Jongjong ma si Saul jana ditadingkon ia ma liang i laho patoruskon pardalanannia.

1 SAMUEL 26:15

Dialusi si Daud ma, “Ho dehe na gumogo di Israel, Abner? Biasi nada dijagoi ho tuanmu, raja i? Baru masuk dope sada halak tu parbandaranmunu i laho mamunu tuanmi.

1 SAMUEL 3:17

Disapai si Eli ma, “Aha dehe na nipaboa ni Tuhan i tu ho? Caritohon ma jolo sude tu au. Anggo adong do sanga na aha na dirahasiahon ho, hona uhum ni Debata do ho.”