DANIEL 4:18 - BIBEL JAMITA NA DENGGAN

¹⁸ I ma da nipingki, ale Beltsasar. Saonnari paboa ma astuanna tu au. Sahalak pe sian angka halak na malo na adong di harajaankon nada malo paboahon tu au, hape anggo ho tarbaen ho do, dibaen dirajai tondi ni angka debata na badia do ho.”

DANIEL 4:18 ပူးပေါင်းရင်းမြစ်များ

PAMUNGKAAN 40:12

Didok si Josep ma, “On ma astuanna: Dangka na tolu i, astuanna tolu ari.

PAMUNGKAAN 41:15

Ning raja i ma tusia, “Na marnipi do au, tapi nada adong umpe sahalak na malo patorangkon astuanna. Na nipaboa ni halak do tu au na malo ho patorangkon nipi.”

PAMUNGKAAN 41:8

Jadi dung torang ari, marsak ma da roha ni raja i, gabe disuru ia ma anso dipio sude datu parelmu dohot halak na pistar na adong di Mesir. Jadi dipaboa ia ma nipinia i tu halahi; tapi sahalak pe nada adong na tarbaen patorangkon astuanna.

JESAYA 19:3

SundatanKu ma angka sangkap ni Mesir jana manderse halahi baenonKu. Pangidoon ni halahi ma pangurupion tu angka gana-ganaan, mangido piruang dohot panogu-noguon tu angka datu dohot angka tondi.

DANIEL 1:20

Ganop dipasahat raja i parsoalan na mamorluhon hatorangan dohot partimbangan, sampulu lompit dumenggan diida ia sipaingot dohot hatorangan ni doli-doli na opat i martimbangkon sipaingot dohot hatorangan ni sude partondung dohot panjampi na malo di sude harajaan i.

DANIEL 2:38

Dibaen Ia do raja i gabe parkuaso di sude tano na niinganan ni jolma jana pangarajai ni sandok unggas dohot angka binatang na asing i. Raja i sandiri ma ulu sere na di patung i.

DANIEL 2:7

Dialusi halahi ma mangulahi, “Sugari antong jolo dipaboa raja i ma da nipi i tu hami, dung i hami patorang ma astuanna.”

DANIEL 5:15

Madung diuji angka na malo dohot na umboto jampi mambasa surat on dohot paboahon astuanna tu au. Tapi nada malo halahi.

DANIEL 5:8

Ro ma tu jolo angka na malo-malo i, tapi sada halak pe sian halahi nada adong na malo mambasa suratan i sanga paboahon astuanna tu raja i.

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.