DANIEL 4:17 - BIBEL JAMITA NA DENGGAN

¹⁷ I ma haputusannami angka surusuruan na hobas jana na manat-manat. On do maksudnami: Anso dioku angka jolma sanga na di dia pe, na markuaso do Na Gumincat i maradopkon harajaan ni jolma dohot mangalehen harajaan i sanga tu ise pe na nitodoNia, bope tu halahi na umbile situtu pe!’

DANIEL 4:17 ပူးပေါင်းရင်းမြစ်များ

1 RAJA-RAJA 21:25

Nada jungada adong halak na songon si Ahab situtu ni rohana mambaen na jahat di adopan ni Tuhan. Hara ni panyosoi ni si Isebel na nibuatnia i ma sudena hajahatan i dibaen ia.

2 JUJUR TAON 28:22

Di pangalaho na songon i gawatna mur mambaen dosa dope si Ahas tu Tuhan.

MASMUR 103:19

Mamarenta do Tuhan di banua ginjang, Ia do raja na mamarenta sasudena.

MASMUR 9:16

Dipatidahon Tuhan do diriNa na tigor di bagasan putusanNia. Halak na jahat dabuhononNa hara ni parkarejoanNa.

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

JESAYA 6:3

Marsipioan ma halahi: “Na badia, na badia, na badia ma da Tuhan Na Markuaso i. Digohi hamuliaonNia do portibi on.”

JESAYA 6:8

Hubege muse ma Tuhan mandok hata, “Ise do sisuruonKu? Ise do na gabe sioban barita sian hita?” Jadi ningku ma, “Dison do au suru ma au!”

JEHESKIEL 25:17

UhumanKu ma halahi dokdok sajo jana palaluonKu hosomKu lopus dabu rohangKu. Muda dirasoi halahi rimasKu, botoon ni halahi ma bahaso Au do Tuhan.”

JEHESKIEL 7:24

ParoonKu ma angka bangso na jumingar laho mambuati angka bagasmunu. Heput do angka jolma na gumarang sian hamu angke padiaronKu do angka bangso i mangaroncohon inganan paribadatanmunu.

DANIEL 11:21

Didok surusuruan i muse ma tu au, “Raja na mangihut mamarenta di Siria i ma sada halak na jahat na so patut gabe raja. Tapi ro do ia sian na so pamotoan jana dirampas ia ma harajaan sian raja i marhite sipaoto-oto.

DANIEL 2:21

Ia do na manontuhon musim dohot hatiha, dibalikkon Ia do parkuaso jana dipajongjong Ia. Laing Ia muse do na mangalehen habisuhon, jana na mambasa-basahon parbinotoan.

DANIEL 4:2

Por do rohangku paboahon tu hamu taringot tu tanda dohot hahomangan na nipatupa ni Debata Na Gumincat i tu au.

DANIEL 4:25

Paoroton ma raja i sian tonga-tonga ni parngoluon ni jolma, jana mangolu di tonga-tonga ni angka binatang noma di padang. Pitu taon honokna sai mangan ruput raja i songon lombu jana modom di tano lapang na so martarup, gabe marombun-ombun. Dung salpu i, okuon ni raja i ma paboa na markuaso do Na Gumincat i di ginjang ni harajaan ni jolma, jana dilehen Ia harajaan i tu sanga ise sajo na nitodo ni rohaNia.

DANIEL 7:25

Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.

SURAT NI SI PAULUS TU PARLAGUTAN ROM 13:1

Angkon sude do halak mangoloi pamarenta, angke nada adong pamarenta na so manjagit kuasona sian Debata. Jana pamarenta na adong pe, sian parenta ni Debata do i.

1 KORINTUS 1:28

Dipili Debata do angka na nietong ni portibi on, toruk, na bile dohot na nietong ni portibi on sisoada, anso disego-sego Debata angka na nipasangap ni portibi on.

1 TIMOTEUS 5:21

Gomos pangidoanku tu ho di adopan ni Debata, dohot Jesus Kristus bope angka surusuruan todoan, anso diihutkon ho angka na hudok on so pola mardongan biar ni roha maradopkon sanga ise pe jana nada mamihak-mihak.

HALUMBAAN 4:8

Mahluk na opat i, onom be habongna jana sap sudena dohot mata. Nada mantak mahluk na opat i marende arian na borngin, “Na badia, na badia, na badia do Tuhan Debata Parkuaso Na Sumurung i; na adong, na dung adong, jana na giot ro!”

1 SAMUEL 2:8

Sian abuan diangkat Ia halak na so mararta sian pardangolan halak na bile dipalua Ia. Dibaen Ia halahi dongan ni angka na mora-mora, jana dilehen muse juguhan na sangap. Debata do nampuna ojahan ni portibi on dipajongjong Ia di ginjangna tano on.