DANIEL 4:14 - BIBEL JAMITA NA DENGGAN

¹⁴ Gogo ma sorania mangkuling mandok, ‘Taba ma hayu i jana tultuli ma angka dangkana, rurus ma bulungna i jana sarsarkon batuna i. Paorot ma angka binatang na marmodoman di toruna i dohot angka unggas na marasari di dangka-dangkana i.

DANIEL 4:14 ပူးပေါင်းရင်းမြစ်များ

JOB 24:20

Dipapangani goya halahi, jana dihalupahon inana i. Nada be sipaingot-ingoton goarna; dironcohon noma ia songon hayu na maburgat.

JEREMIA 27:5

“Marhite hagodangan ni kuasongKu dohot hagogoanKu, madung Hutompa tano dohot jolma dohot sandok binatang jana tarlehen Au do i sanga na tu ise giotKu.

JEREMIA 51:6

Palua ma dirimu! Lojongi ma sian Babel ulang jabat dohot hamu hona bunu hara ni dosana! Na mambaloskon hajahatan ni Babel do Au on dohot manguhumisa hombar tu pambaenanna.

JEREMIA 51:9

Marsipandohonan ma halak sileban na maringanan disi na sada tu donganna, ‘Madung hita usahahon mangurupi Babel, hape nada tolap hita! Gumonan noma morot hita sian luat on jana marmulahan be ma hita tutanonta be. Na niuhum ni Tuhan do Babel sagogona, jana dironcohon Ia sudena.’ ”

JEHESKIEL 31:10

Hara ni i, Au Tuhan Debata, pabotohon tu hamu sanga aha na giot masa tu hayu na lalu i puncuna tu ombun. Angke mur gincat ia, mur ginjang do rohania.

DANIEL 2:21

Ia do na manontuhon musim dohot hatiha, dibalikkon Ia do parkuaso jana dipajongjong Ia. Laing Ia muse do na mangalehen habisuhon, jana na mambasa-basahon parbinotoan.

DANIEL 3:4

mangkuling ma wakil ni raja marsora na gogo, “Hamu angka dongan sian sandok bangso, sian marga ni bangso dohot na marhata na marragam-ragam. Tangihon hamu ma parenta ni rajanta on:

DANIEL 4:12

Mangarata angka bulungna i, batuna pe ramos sajo, jabat tuk baen panganon ni jolma na satano on. Marmodoman angka binatang harangan di toruna i jana angka unggas pe marasari do di angka dangkana i. Jana sandok na mangolu dapotan sipanganon do sian ia.

DANIEL 4:23

Diida raja i muse do sada surusuruan mijur sian banua ginjang na mandok, ‘Taba ma hayu on jana pamate, tapi padiar ma tungkona i tinggal di tano i. Tambat ma i dohot rante bosi dohot tumbaga lalu tadingkon ma di padang-padang dihuliangi angka ruput na rata. Padiar ma hona ombun ia jana mangolu rap dohot angka binatang pitu taon honokna.’

DANIEL 4:29

Dung dua bolas bulan muse, taran mardalan-dalan ia di kobun-kobun di tingkat parginjang ni bagas godang di Babel,

DANIEL 5:20

Tapi dung ginjang rohania, jogal rohana jana jingar, didabuhon do ia sian harajaannia jabat mago dohot hagodangannia.

DANIEL 5:21

Dipaorot do ia sian parngoluon ni jolma manusia jana pikirannia pe gabe songon pikiran ni binatang. Halode harangan noma dongannia mangolu, manjampal ruput songon lombu jana modom di na tardas so marsiholip maradopkon ombun. Ujungna dioku ia ma na markuaso do hape Debata Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.

MATEUS 3:10

Madung singkop kampak laho manaba hayu di uratna i. Sude hayu na so denggan parbatuna, sitabaon ma i, jana niambungkon tu api.

MATEUS 7:19

Sude suan-suanan na so denggan marbatu, tabaon do i anso nitutung.

LUKAS 3:9

Madung singkop kampak laho manaba angka hayu lopus tu angka uratna i. Angkon tabaon noma sandok hayu na so marbatu na denggan jana ambungkononkon tu bagasan api.”

HALUMBAAN 10:3

Jadi marsurak ma ia sagogona songon singa na marngaur. Dung marsurak ia, mangkuling ma pitu ronggur na manghutur.

HALUMBAAN 18:2

Marsora na gogo ma ia marsurak, “Madung madabu dadaboru i! Madung madabu Babel Na Godang i! Gabe inganan ni tondi na jahat dohot partabunian ni angka tondi na hodar noma i saonnari. Angka unggas na hodar jana na nihagigihon ni halak noma na mangolu di bagasan.