DANIEL 4:12 - BIBEL JAMITA NA DENGGAN

¹² Mangarata angka bulungna i, batuna pe ramos sajo, jabat tuk baen panganon ni jolma na satano on. Marmodoman angka binatang harangan di toruna i jana angka unggas pe marasari do di angka dangkana i. Jana sandok na mangolu dapotan sipanganon do sian ia.

DANIEL 4:12 ပူးပေါင်းရင်းမြစ်များ

JOB 12:24

Angka pamimpin dibaen Ia so martontu di pikiran, gabe madang-adang halahi so martujuan.

JOB 14:7

Laing ra dope hayu na nitaba, mangulahi martumbur, lalu mardangka.

JOB 14:9

tapi muda dais aek, mangolu ma mangulahi; songon simarata na marpupu sai martunasi.

ANDUNG 4:20

Ditangkup halahi raja na nitodo ni Tuhan i, i ma halak na sai hami pangasahon i na mangalehen hangoluan jana maradopkon musu songon pangondian.

JEHESKIEL 17:23

Di dolok na gumincat Hupayakkon ia. Martunas ma ia disi jana marbatu, gabe bona ni sampinur na jagar. Sude ragam ni unggas disi mambaen asar, jana marsilaung di toru ni linggomna.

JEHESKIEL 31:17

Udurhonon ni halahi ma i tu inganan ni halak na mate jana marlagut dohot halahi na dung parjolo madabu. Jana sudena na juguk najolo di toru ni hayu i, serakkonon noma i di tonga-tonga ni angka bangso.

DANIEL 4:14

Gogo ma sorania mangkuling mandok, ‘Taba ma hayu i jana tultuli ma angka dangkana, rurus ma bulungna i jana sarsarkon batuna i. Paorot ma angka binatang na marmodoman di toruna i dohot angka unggas na marasari di dangka-dangkana i.

MATEUS 13:32

Na menehan do anggo batu ni sabi. Tapi muda dung tubu i, tardok, ia ma na gumodang sian sude na margoar simarata na dayuk bonana. Gabe songon hayu ma i. Marroan ma angka unggas marasar di dangkana i.”

MARKUS 13:32

“Tapi haru pe songon i, nada adong sahalak pe na umboto sadihari hatihana. Angka surusuruan na di banua ginjang i pe dohot Anak i pe nada diboto i. Hum Ama i sajo do na umboto i.

MARKUS 4:32

Dung disuan batuna i di tano, tubu ma i jana gabe gumodang sian sude suan-suanan na targoar simarata. Songon i ma rumbun ni angka dangkana i jabat marroan angka unggas jana tarbaensa marasar di toru ni angka dangkana i.”

LUKAS 13:19

Songon batu ni sabi do i na nibuat ni sada halak jana disuan ia di ladangnia. Jadi tubu ma i gabe hayu na godang, dung i ro ma angka pidong marasar di ginjang ni dangkana i.”