DANIEL 3:7 - BIBEL JAMITA NA DENGGAN

⁷ Jadi disi tarbege sora ni angka sarune dipalu, manungkap be ma sandok bangso, marga ni bangso dohot hata na marragam-ragam jana marsomba tu patung sere na dipajongjong ni Raja Nebukadnesar i.

DANIEL 3:7 ပူးပေါင်းရင်းမြစ်များ

JEREMIA 51:7

Tudos do Babel dohot piala sian sere na Hutiop jana na mambaen mabuk sude portibi on. Marminuman angka bangso sian panginuman i lopus rintik be halahi.

DANIEL 2:46

Dung i manungkap ma Raja Nebukadnesar di jolo ni si Daniel jana diparentahon ia ma tu rayat i anso pasangaphon si Daniel jana manghaulkon tusia haul situtungon dohot angka haul na asing i.

DANIEL 3:10

Madung didabu raja i sandiri parenta na mandok, disi dipalu angka sarune, angkon manungkap ma sude jolma na marsomba tu patung sere i,

DANIEL 3:4

mangkuling ma wakil ni raja marsora na gogo, “Hamu angka dongan sian sandok bangso, sian marga ni bangso dohot na marhata na marragam-ragam. Tangihon hamu ma parenta ni rajanta on:

DANIEL 3:5

Muda mangkuling sarune, ihut muse sora ni suling, hasapi, arbap, gambus, sordam dohot sora ni uning-uningan, angkon tungkap ma hamu marsomba tu patung sere na nipajongjong ni Raja Nebukadnesar on.

DANIEL 3:6

Sanga ise na so mangoloi parenta on, manigor danggurkonon ma tu bagasan purunan api na gara-gara.”

DANIEL 3:8

Adong ma piga-piga halak Kasdim na mamake tingki i laho mangago halak Jahudi.

BAENON NI ANGKA RASUL 14:16

Anggo na salpu i dipadiar Debata do angka bangso marsibaen rohana be na mangolu i.

1 JOHANNES 5:19

Taboto do na sian Debata haroroanta, jana sude na satano on di bagasan tangan ni si Parjahat i.

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

HALUMBAAN 13:14

Dipatola do ia mambaen angka hahomangan; jana dipaoto-oto ia do sude jolma na mangolu di tano on hara ni angka hahomangan na nibaennia i di jolo ni binatang na parjolo i. Jana disuru ia ma halahi sudena pajongjong sada patung laho mamparsangapi binatang na mabugang dibaen podang i, hape laing mangolu.

HALUMBAAN 13:3

Sada sian uluna na pitu i songon na jungada do banga bugangna idaon, tapi madung malum bugangna i. Diihutkon portibi on ma sude binatang i mardongan pangkilalaan na homang-komang.

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

HALUMBAAN 17:8

Anggo binatang na dung niidami madung adong do i, tapi nada adong, na giot manaek ma ia sian rura hamatean anso kehe ma ia tu hamagoan. Jadi homang ma roha ni angka na maringanan di tano on, i ma angka na so tarsurat goarna di buku hangoluan sian mula-mula ni hasiangan on, muda diida halahi binatang i na dung adong, tapi nada adong, jana na giot ro muse.

HALUMBAAN 19:20

Gabe tartangkup ma binatang i rap dohot panurirang pargabus na pabaen-baen angka tanda hahomangan di jolo ni binatang i. (Angka tanda hahomangan i do dibaen binatang i paoto-otohon angka jolma na mamake tanda ni binatang i dohot angka jolma na manyomba patung ni binatang i.) Jadi didanggurkon ma binatang i dohot panurirang pargabus i mangolu-ngolu tu bagasan laut api na gara-gara dohot barerang.