DANIEL 3:6 - BIBEL JAMITA NA DENGGAN

⁶ Sanga ise na so mangoloi parenta on, manigor danggurkonon ma tu bagasan purunan api na gara-gara.”

DANIEL 3:6 ပူးပေါင်းရင်းမြစ်များ

PAMUNGKAAN 19:28

Manatap ma ia sabola Sodom dohot Gomora dohot tu rura i sude, jana diida ia ma timus marbual-bual sian tano i, songon timus ni pamurunan na godang.

HARURUAR 20:5

Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

JEREMIA 29:22

Jadi muda adong halak na dioban tu Babel na giot mamurai sada-sada halak, dokkonon ni halahi ma, ‘Sai dibaen Tuhan ma ho nian songon si Zedekia dohot si Ahab na nitutung ni raja Babel mangolu-olu.’

DANIEL 2:5

Dialusi raja i ma, “Madung hubaen hatontuan songon on: Angkon paboaonmunu do nipi i tu au, songon i dohot astuanna. Muda nada tolap hamu, ponggol-ponggolon noma hamu jana bagasmunu angkon rumpakkononkon.

DANIEL 3:11

jana sanga ise na so mangoloi parenta i danggurkonon ma i tu purunan api na gara-gara.

DANIEL 3:15

Saonnari, ra dehe hamu manungkap dohot marsomba tu patung i muda mangkuling sora ni sarune; suling; hasapi; arbab; sordam; gambus dohot angka uning-uningan na marragam i? Muda nada ra hamu, manigor do ambungkonon hamu tu purunan api na gara-gara. Jana debata dia dope na margogo paluahon hamu sian kuasongku?”

DANIEL 3:21

Dung i ditambat ma sitolu halak i marpakean na singkop, markameja, marbaju juba, markupia dohot pakean na asing, jana manigor diambungkon ma halahi tu bagasan purunan api na gara-gara i.

DANIEL 3:7

Jadi disi tarbege sora ni angka sarune dipalu, manungkap be ma sandok bangso, marga ni bangso dohot hata na marragam-ragam jana marsomba tu patung sere na dipajongjong ni Raja Nebukadnesar i.

DANIEL 5:19

Songon i ma antong godangnia, jabat do angka jolma sian sandok bangso, marga ni bangso dohot hata na marragam-ragam, humitir jana mabiar tusia. Muda por rohania mamunu jolma, dibunu ia sajo do halakna i. Dipasangap sanga dipalayas ia do sanga na ise sajo giot ni rohania.

DANIEL 6:7

Dung i kehe ma halahi manopot raja i jana didok halahi ma, “Ale tuannami Raja Darius, sai horas ma da raja i salolot-lolotna!

MATEUS 13:42

Ambungkononkon ma halahi sude tu purunan ni api. Disi ma halahi mangangguhi jana patungaripon.

MATEUS 13:50

Dung i diambungkon ma halak na jahat i tu purunan ni api. Disi ma halahi mangangguhi jana patungaripon.”

MATEUS 4:9

Dung i ninna Sibolis i ma mandok Jesus, “Sudena i hulehen pe di Ho, muda ra Ho unduk marsomba tu au.”

MARKUS 6:27

Jadi manigor disuru ia ma sahalak pangawalnia mangalap ulu ni si Johannes Pandidi. Kehe ma tentara i tu hurungan. Digotapkon ia ma ulu ni si Johannes i.

HALUMBAAN 14:11

Martimbual ma timus ni api parkancitan ni angka jolma i salolot-lolotna. Nada marnamantak be hona parkancitan halahi arian dohot borngin, i ma angka halak na manyomba binatang i dohot patungna i, dohot sasudena halak na maruli tanda goar ni binatang i.”

HALUMBAAN 9:2

Gabe diungkap bintang i ma rura ni hamatean i, gabe ruar ma sian bagasan songon timus ni purunan na godang. Gabe manggolap ma awang-awang i dohot mataniari dibaen timus na sian rura i.