DANIEL 3:30 - BIBEL JAMITA NA DENGGAN

³⁰ Dung i dipanaek raja i ma pangkat ni si Sadrakh, si Mesakh dohot si Abednego, gabe angka parpangkat na gincat ma halahi di propinsi Babel.

DANIEL 3:30 ပူးပေါင်းရင်းမြစ်များ

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

MASMUR 91:14

Didok Tuhan, giot paluaonKu halak na mangkaholongi Au. OndinganKu ma sanga ise na mangoku Au gabe Tuhan.

DANIEL 1:7

Digonti kapala ni juaro bagas i ma goar ni halahi gabe: Si Daniel gabe si Beltsasar, si Hananya gabe si Sadrakh, si Misael gabe si Mesakh jana si Asarya gabe si Abednego.

DANIEL 2:49

Tapi hombar tu pangidoan ni si Daniel, dipasahat raja i ma laho mangarajai propinsi Babel tu si Sadrakh, si Mesakh dohot si Abednego, tapi anggo si Daniel sandiri maringanan di bagas godang ni raja i ma.

DANIEL 3:1

Di sada hatiha, dibaen Raja Nebukadnesar ma sada patung sian sere 27 meter gincatna jana godangna hira-hira 3 meter. Di napa Dura na di propinsi Babel do i dipajongjong ia.

DANIEL 3:12

Hape adong do piga-piga halak Jahudi na niangkat ni raja i mamarenta di propinsi Babel na manggagai parenta ni raja i. I ma si Sadrakh, si Mesakh dohot si Abednego. Nada ra halahi marsomba angka debata ni raja i jana nada ra muse halahi manyomba patung sere na nipajongjong ni raja i.”

JOHANNES 12:26

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.