DANIEL 3:27 - BIBEL JAMITA NA DENGGAN

²⁷ Sude wakil ni raja i, angka gubernur, bupati dohot angka pagawe na asing i marsirongom ma humaliang sitolu halak i jana diida halahi ma saotik pe nada adong dais tu halahi api i. Nada mosok obuk ni halahi, jana pakean ni halahi pe nada puntung, salang uap ni timus pe nada adong di halahi.

DANIEL 3:27 ပူးပေါင်းရင်းမြစ်များ

1 RAJA-RAJA 13:28

kehe ma ia jana di dapot ia ma bangke ni panurirang na sian Juda i laing payak di dalan i jana di lambungna i halode dohot singa i. Umpe dihahua singa i bangke i dohot halode i.

2 RAJA-RAJA 19:19

Ale Tuhan Debatanami, palua ma hami sian halak Asur i anso diboto sandok bangso na satanoon i, Ho do Tuhan, sasada Ho do Debata!”

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

JESAYA 43:2

DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.

DANIEL 3:21

Dung i ditambat ma sitolu halak i marpakean na singkop, markameja, marbaju juba, markupia dohot pakean na asing, jana manigor diambungkon ma halahi tu bagasan purunan api na gara-gara i.

DANIEL 6:23

Madung disuru Debatangki surusuruanNia laho manghuntam baba ni angka singa i gabe nada disoro au. Dipalua Debata do au angke diboto Ia do na so marsala au tuSia dohot maradopkon raja i.”

DANIEL 6:7

Dung i kehe ma halahi manopot raja i jana didok halahi ma, “Ale tuannami Raja Darius, sai horas ma da raja i salolot-lolotna!

MATEUS 10:30

Salang obuk na di ulumunu i pe na dung nietong do sudena i.

BAENON NI ANGKA RASUL 26:26

Haru raja i sandiri pe tangkas do diboto raja i. Hara ni i do umbaen na puluk au torus torang mandokkon i di jolo ni raja i. Pos do rohangku nada adong be sian angka pangalaho i na so diboto raja i, harana nada di sihabunian masa sudena i.

BAENON NI ANGKA RASUL 27:34

Hupangido mangan ma hamu jolo bope hum saotik. Denggan do i anso margogo hamu mangulahi. Harana angkon laing malua do hamu sude jana nada pola hurangan hamu sanga aha,” ninna si Paulus.

IBRANI 11:34

Diintopi halahi do api na godang. Malua do halahi marlojong sian baba ni podang. Gale do nian halahi, tapi gabe margogo; mur margogo dope tehe di parporangan, lopus tartaluhon halahi angka parangan ni bangso na asing.