DANIEL 3:25 - BIBEL JAMITA NA DENGGAN

²⁵ Dialusi raja i ma, “Antong biasi opat halak huida mardalan-dalan di bagasan api i? Nada martambat halahi jana nada bagi mahua. Jana na paopatkon i songon anak ni angka debata do tompana.”

DANIEL 3:25 ပူးပေါင်းရင်းမြစ်များ

JOB 1:6

Di na sanoli mangadop ma angka mahluk pardibanua ginjang tu Tuhan jana dohot ma mangihut di tonga-tonga ni halahi Sibolis.

JOB 38:7

di na rap marendei angka bintang andostorang dohot angka na nijadihon di banua ginjang marsurak marmoga sonang?

JOB 5:19

Muda ro mara pangondam, sai na marpupu do ho nipalua.

MASMUR 34:7

Surusuruan Ni Tuhan manogu halak na burju marugamo, jana na paluahon halahi sian bahaya.

PODA 30:4

Jolma dia ma he na umboto pangalaho ni banua ginjang? Unjung ma he dipohul ia di tanganna alogo, jana disaputi ia aek di bagasan bajuna, sanga manontuhon batas ni alam on sudena? Ise he ia jana ise anaknia? Pasti diboto ho do i?

JESAYA 43:2

DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.

JEREMIA 1:19

Porangon ni halahi ma ho, tapi nada tartaluhonsa, angke dongananKu do ho laho mangondihon ho, songon i ma hata ni Tuhan.”

JEREMIA 1:8

Ulang ho mabiar mida halahi, angke sai dongananKu do ho laho mangondihon ho. Au Tuhan, madung mandok songon i!”

JEREMIA 15:21

PaluaonKu do ho sian kuaso ni angka jolma na jahat jana na kejam. Au Tuhan, madung mandok songon i.”

DANIEL 3:18

Tapi sugari nada dibaen Ia songon i, diastui raja i ma anggo hami nada sombaonnami debata ni raja i jana patung sere na nipajongjong ni raja i pe nada sombaonnami.”

DANIEL 3:24

Jadi ompot ma tarsonggot Raja Nebukadnesar. Jongjong ma ia tompu jana pio-pio tu angka pagawenia, “Inda he tolu halak do nangkin na tatambat i jana na didabuhon tu bagasan api i?” Dialusi halahi ma, “Tutu do i, rajanami.”

DANIEL 3:28

Jadi didok raja i ma, “Puji ma Debata na nisomba ni si Sadrakh, si Mesakh dohot si Abednego. Disuru Ia do surusuruanNia laho paluahon naposoNa na tolu on na porsaya tuSia. Dilaosi halahi do parentangku jana gumonan mate ulang pado marsomba sanga mangoloi tu debata sanga na dia pe asing sian Debata ni halahi sandiri.

DANIEL 6:23

Madung disuru Debatangki surusuruanNia laho manghuntam baba ni angka singa i gabe nada disoro au. Dipalua Debata do au angke diboto Ia do na so marsala au tuSia dohot maradopkon raja i.”

MARKUS 16:18

Muda ditiop halahi ulok sanga tarinum halahi rasun, inda pola bagi mahua halahi. Muda diampehon halahi tanganna tu ginjang ni halak na marnyae, gabe malum ma dilala halahi.”

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

BAENON NI ANGKA RASUL 28:5

Tapi dihirpaskon si Paulus ma ulok i tu api i, umpe hancit dilala ia.

SURAT NI SI PAULUS TU PARLAGUTAN ROM 1:4

tapi mangihutkon hadebataon tangkas do ia Anak Ni Debata na gok hagogoan. Tanda sajo do i botoon markite-hite hangongotNia sian na mate i.

1 PETRUS 3:13

Ise ma he ra mambaen na jahat tu hamu anggo sai jop do rohamunu mambaen na denggan?