DANIEL 3:24 - BIBEL JAMITA NA DENGGAN

²⁴ Jadi ompot ma tarsonggot Raja Nebukadnesar. Jongjong ma ia tompu jana pio-pio tu angka pagawenia, “Inda he tolu halak do nangkin na tatambat i jana na didabuhon tu bagasan api i?” Dialusi halahi ma, “Tutu do i, rajanami.”

DANIEL 3:24 ပူးပေါင်းရင်းမြစ်များ

2 JUJUR TAON 22:4

Mardosa do si Ahasia tu Tuhan laing songon keluarga ni si Ahab, harana halahi do antong na gabe panuturinia dung mate amangnia i. Angka panuturinia i do na mambaen marmara ia.

DANIEL 3:17

Muda margogo antong Debatanami paluahon hami sian purunan api na gara-gara i dohot sian kuaso ni raja i, angkon baenonNia do songon i.

DANIEL 3:23

Tapi anggo na tolu halak i, i ma si Sadrakh; si Mesakh; dohot si Abednego madabu do songon i tartambat tu bagasan parapian na gara-gara i.

DANIEL 3:25

Dialusi raja i ma, “Antong biasi opat halak huida mardalan-dalan di bagasan api i? Nada martambat halahi jana nada bagi mahua. Jana na paopatkon i songon anak ni angka debata do tompana.”

DANIEL 4:22

O rajanami, raja i ma da hayu na gincat i. Sai martamba do hagodangan ni raja i lalu tu langit jana mabidang do kuaso ni raja i lopus tu ujung ni tano on.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

DANIEL 5:18

Dibaen Debata Na Gumincat i do si Nebukadnesar simatobang ni raja i gabe raja bolon jana dilehen tusia hagodangan bope habonggalan.

DANIEL 5:6

Gabe rata lombam ma ia jana mabiar situtu jabat humitir totnia i.

DANIEL 6:22

Dung i ninna si Daniel ma mangalusi raja i, “Sai ginjang ma umur ni raja i salolot-lolotna!

DANIEL 6:7

Dung i kehe ma halahi manopot raja i jana didok halahi ma, “Ale tuannami Raja Darius, sai horas ma da raja i salolot-lolotna!

BAENON NI ANGKA RASUL 12:13

Ditektek si Petrus ma pintu i sian ruar, jana ro ma sahalak naposo dadaboru na margoar si Rode laho mangungkap pintu i.

BAENON NI ANGKA RASUL 26:13

Jadi di tonga dalan i hira-hira kotu ma hatiha i, ale rajanami, huida ma sada sinondang sian langit, tumorang dope sian sinondang ni mataniari humaliang au dohot humaliang dongan-donganki na mardalan rap dohot au.

BAENON NI ANGKA RASUL 26:27

Na niparsangapan Raja Agrippa, porsaya dehe ulaning raja i di na nidok ni angka panurirang? Anggo ning rohangku porsaya do raja i disi!” ning si Paulus.

BAENON NI ANGKA RASUL 9:6

Tapi jongjong ma ho, masuk ma ho tu kota i. Disi ma nipaboa tu ho sanga aha sibaenonmu.”

1 SAMUEL 17:55

Di na niida ni si Saul kehe si Daud mangalo si Goliat, disapai ia ma tu si Abner, panglima ni tentarania i, “Anak ni ise do tehe Abner, bayo i?” “Nada huboto rajanami,” ning si Abner mangalusi.