DANIEL 3:20 - BIBEL JAMITA NA DENGGAN

²⁰ Dung i disuru ia ma piga-piga halak sian tentarania na sun gogona laho manambat si Sadrakh, si Mesakh dohot si Abednego, lalu mangambungkon halahi tu bagasan purunan api na milas i.

DANIEL 3:20 ပူးပေါင်းရင်းမြစ်များ

DANIEL 1:7

Digonti kapala ni juaro bagas i ma goar ni halahi gabe: Si Daniel gabe si Beltsasar, si Hananya gabe si Sadrakh, si Misael gabe si Mesakh jana si Asarya gabe si Abednego.

DANIEL 3:15

Saonnari, ra dehe hamu manungkap dohot marsomba tu patung i muda mangkuling sora ni sarune; suling; hasapi; arbab; sordam; gambus dohot angka uning-uningan na marragam i? Muda nada ra hamu, manigor do ambungkonon hamu tu purunan api na gara-gara. Jana debata dia dope na margogo paluahon hamu sian kuasongku?”

DANIEL 3:19

Jadi gilap ma roha ni Raja Nebukadnesar maradopkon si Sadrakh, si Mesakh dohot si Abednego, jana marrarai bohina. Diparentahon ia ma anso dibaen purunan api na ummilas pitu lompit sian na somal.

DANIEL 3:21

Dung i ditambat ma sitolu halak i marpakean na singkop, markameja, marbaju juba, markupia dohot pakean na asing, jana manigor diambungkon ma halahi tu bagasan purunan api na gara-gara i.

BAENON NI ANGKA RASUL 16:23

Jadi dung digogo halahi mangaloncing na dua i, dipamasuk ma halahi tu hurungan. Disuru ma kapala ni hurungan i, anso dijago ia dohot denggan sidua halak i.

BAENON NI ANGKA RASUL 16:25

Hira-hira tonga borngin, martangiang ma si Paulus dohot si Silas, angka marende bage halahi mamuji Debata. Dibege angka halak na tarhurung na asing i do halahi na marende i.