DANIEL 3:19 - BIBEL JAMITA NA DENGGAN

¹⁹ Jadi gilap ma roha ni Raja Nebukadnesar maradopkon si Sadrakh, si Mesakh dohot si Abednego, jana marrarai bohina. Diparentahon ia ma anso dibaen purunan api na ummilas pitu lompit sian na somal.

DANIEL 3:19 ပူးပေါင်းရင်းမြစ်များ

PAMUNGKAAN 31:2

Boti diida si Jakob nada songon na parjolo i be rama ni si Laban tusia.

ESTER 3:5

Sun ma muruk ni si Haman di na tarboto tusia bahaso na so ra si Mordehai manungkap tusia.

ESTER 7:7

Sun ma muruk ni raja i, lalu jongjong manadingkon meja jana kehe mardalan tu ruar tu kobun ni bagas godang i. Madung mamoto si Haman bahaso na dung dibuat raja i haputusan laho manguhum ia, jadi gabe laing tongtong ma ia disi rap dohot Ratu Ester laho mangidohon anso dipalua.

MASMUR 76:10

Rimas ni jolma gabe pujian do i di Ho jana na debanari i gabe hauntunganMu dipake Ho.

PODA 16:14

Halak na marroha diparayak do pasonang roha ni raja; muda muruk raja, ra do adong na mate hona uhumna.

PODA 21:24

Jolma na oto jana siginjang roha sai mangincahi do i jana pamalo-malohon.

JESAYA 51:23

Hulehen noma i tu na mamparkanciti ho, halak na mandokkon tu ho: Unduk ma, anso hami dege hamu! Gabe dipahortang ho ma lopus dosdos dohot tano, jadi mamolus ma jolma sian ginjangna.”

DANIEL 2:12

Umbege i gabe muruk sajo ma raja i jana diparentahon ia ma anso dibunu sude angka halak na malo-malo na adong di Babel.

DANIEL 3:13

Umbege i, muruk sajo ma raja i lalu didabu ia ma parenta anso dioban sitolu halak i ro tusia.

DANIEL 3:20

Dung i disuru ia ma piga-piga halak sian tentarania na sun gogona laho manambat si Sadrakh, si Mesakh dohot si Abednego, lalu mangambungkon halahi tu bagasan purunan api na milas i.

DANIEL 5:6

Gabe rata lombam ma ia jana mabiar situtu jabat humitir totnia i.

DANIEL 6:24

Sonang ma roha ni raja i jana diparentahon ia ma anso diparuar si Daniel sian liang i. Dung dipadalan parenta i, hape nada adong gasa ni si Daniel saotik pe, angke porsaya do ia tu Debatania.

HAMALIMON 26:18

Muda dung ditaon hamu sudena i, hape laing so dioloi hamu Au, Hutamba ma uhum tu hamu pitu lipat.

HAMALIMON 26:21

Muda sai torus dope aloonmunu Au jana nada dioloi hamu Au, tambaanKu dope uhum pitu noli lompit.

HAMALIMON 26:24

Au ma alomunu manguhum hamu pitu lompit umborat sian parjolo.

HAMALIMON 26:28

mardongan muruk aloonKu hamu. Dung i Huuhum hamu pitu noli dumokdok sian na parjolo i.

BAENON NI ANGKA RASUL 5:33

Jadi dung dibege halahi na songon i muruk sajo ma halahi, jana martahi ma halahi laho mamatehon angka rasul i.

BAENON NI ANGKA RASUL 7:54

Jadi dung dibege angka na ro tu rapot ugamo i na nipajojor ni si Stefanus i, gabe hancit ma roha ni halahi jana patungaripon ma halahi tusia.