DANIEL 3:18 - BIBEL JAMITA NA DENGGAN

¹⁸ Tapi sugari nada dibaen Ia songon i, diastui raja i ma anggo hami nada sombaonnami debata ni raja i jana patung sere na nipajongjong ni raja i pe nada sombaonnami.”

DANIEL 3:18 ပူးပေါင်းရင်းမြစ်များ

1 RAJA-RAJA 19:14

Dialusi si Elia ma, “Tuhan, Debata Na Markuaso! Sai markarejo do au hum tu Ho sajo. Hape dilaosi halak Israel do parjanjian ni halahi dohot Ho. Madung dirorak halahi angka langgatanMu jana dibunu angka panurirangMu. Hum sasada au noma na tinggal jana saonnari giot bunuon ni halahi ma au!”

1 RAJA-RAJA 19:18

Tapi malua do baenonKu pitu ribu halak di Israel, i ma angka halak na tongtong mangoloi Au jana na so jungada marsomba gana-ganaan ni Baal sanga mangummasa.”

JOB 13:15

Nada parduli be di bagi aha hara ni dele ni roha! Muda giot bunuon ni Debata iba, rohana ma diSia. Tapi anggo pangalahongku angkon ampinanku di joloNia.

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.

DANIEL 3:28

Jadi didok raja i ma, “Puji ma Debata na nisomba ni si Sadrakh, si Mesakh dohot si Abednego. Disuru Ia do surusuruanNia laho paluahon naposoNa na tolu on na porsaya tuSia. Dilaosi halahi do parentangku jana gumonan mate ulang pado marsomba sanga mangoloi tu debata sanga na dia pe asing sian Debata ni halahi sandiri.

HAMALIMON 19:4

Ulang marbalik hamu sian Au, gabe kehe hamu manyomba gana-ganaan. Ulang baen hamu angka gana-ganaan sian angka logam jana manyomba tusi. Au do Tuhan Debatamu.

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

MATEUS 10:39

Sanga ise na giot pajolohon haporluan ni ngoluna sandiri, angkon magoan ngolu. Tapi halak na magoan ngolu hara ni Au, halak sisongon i do na dapotan ngolu.”

MATEUS 16:2

Tapi dialusi Ia ma halahi, “Muda lusut mataniari, didok hamu, ‘Ah, denggan do ari on, angke rara do langit.’

BAENON NI ANGKA RASUL 4:19

Tapi dialusi si Petrus dohot si Johannes ma, “Timbang hamu ma jolo sanga dia na tigor di roha ni Debata: mangoloi angka parentamunu do sanga mangoloi parenta ni Debata.

IBRANI 11:25

Gumonan do dihilala ia markancit rap dohot bangso ni Debata ulang pado santongkin mandai hasonangan sian ngolu na mardosa.

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”

HALUMBAAN 12:11

Madung ditaluhon angka donganta i ia dohot mudar ni Anak Ni Biri-biri i bope dohot hasaksian ni halahi. Angke nada dihaholongi halahi hosa ni halahi lopus tu hamatean.