DANIEL 3:12 - BIBEL JAMITA NA DENGGAN

¹² Hape adong do piga-piga halak Jahudi na niangkat ni raja i mamarenta di propinsi Babel na manggagai parenta ni raja i. I ma si Sadrakh, si Mesakh dohot si Abednego. Nada ra halahi marsomba angka debata ni raja i jana nada ra muse halahi manyomba patung sere na nipajongjong ni raja i.”

DANIEL 3:12 ပူးပေါင်းရင်းမြစ်များ

ESTER 3:8

Jadi didok si Haman ma tu raja i, “Rajanami, adong do sada bangso na ganjil na marserak di ganop propinsi di harajaan on. Asing situtu do adatna sian angka bangso na deba nari i. Nada patu halahi tu angka aturan ni harajaan on. Jadi, sugari dumenggan nian ulang dipadiar raja i halahi mambaen roha-rohana.

PODA 27:4

Kejam do haririmas jana manyegohon, tapi ise ma na tahan mangadopi pangiburuon?

PARJAMITA 4:4

Laing huboto muse dope bahaso songon i situtuna jolma markarejo, hum hara ni na mangiburu paida-ida pandapotan ni hombar bagasna. Magopo do sudena i songon karejo na manangkup angin.

DANIEL 1:7

Digonti kapala ni juaro bagas i ma goar ni halahi gabe: Si Daniel gabe si Beltsasar, si Hananya gabe si Sadrakh, si Misael gabe si Mesakh jana si Asarya gabe si Abednego.

DANIEL 2:48

Dung i dilehen ia ma di si Daniel pangkat na gincat, dileheni ia angka silua na jeges-jeges, jana diangkat ia si Daniel gabe pangarajai ni Babel lalu dibaen ia gabe pamimpin ni sude panuturi ni raja.

DANIEL 2:49

Tapi hombar tu pangidoan ni si Daniel, dipasahat raja i ma laho mangarajai propinsi Babel tu si Sadrakh, si Mesakh dohot si Abednego, tapi anggo si Daniel sandiri maringanan di bagas godang ni raja i ma.

DANIEL 3:11

jana sanga ise na so mangoloi parenta i danggurkonon ma i tu purunan api na gara-gara.

DANIEL 3:16

Jadi ro ma alus ni si Sadrakh, si Mesakh dohot si Abednego tu Raja Nebukadnesar: “Nada adong gunana alusannami ho anggo taringot tu nanidokkonmi.

DANIEL 3:29

Hara ni i, huparentahon tu ganop halak sian bangso dohot marga ni bangso sanga hata na dia pe na mandokkon hata incak tu Debata na nisomba ni si Sadrakh, si Mesakh dohot si Abednego, angkon nilobong-lobong noma i jana bagasna i dirumpakkon. Angke nada adong debata na margogo mambaen songon na nibaen ni Debata i.”

DANIEL 3:30

Dung i dipanaek raja i ma pangkat ni si Sadrakh, si Mesakh dohot si Abednego, gabe angka parpangkat na gincat ma halahi di propinsi Babel.

DANIEL 6:13

Marnida i, kehe ma halahi sude manopot raja i laho mangaduhon si Daniel. Didok halahi ma, “Inda he na dung diteken raja i surat parenta na mangalarang sude jolma di bagasan tolu pulu ari on palalu pangidoan tu sada sian angka debata sanga jolma asing tu raja i sajo? Boti muse, danggurkonon do sanga ise na mangalaosi parenta i tu bagasan liang ni singa?” Dialusi raja i ma, “Olo tutu do i, jana gabe undang-undang ni Media dohot Persia na so tarpauba-uba do parenta i.”

DANIEL 6:14

Didok halahi muse ma tu raja i, “Si Daniel sada halak buangan na sian Juda, nada dipasangap ia raja i, songon i dohot parenta ni raja i nada dioloi ia. Torus do ia martangiang tolu noli sadari.”

BAENON NI ANGKA RASUL 17:7

jana madung dijagit si Jason on halahi di bagasnia. Sude do halahi mangalo aturan ni Kesar, harana didok halahi, adong dope raja na asing na margoar Jesus.”

BAENON NI ANGKA RASUL 5:28

Ning ia ma, “Nada he hami antahi do hamu, anso ulang be diajarkon hamu taringot tu Goar i. Tapi ligi hamunu ma sanga aha na dung nibaenmunu i! Madung digohi hamu Jerusalem on sude dohot pangajaranmunu, jana giot paporsankononmunu ma mudar ni Bayo i tu hami.”