DANIEL 2:7 - BIBEL JAMITA NA DENGGAN

⁷ Dialusi halahi ma mangulahi, “Sugari antong jolo dipaboa raja i ma da nipi i tu hami, dung i hami patorang ma astuanna.”

DANIEL 2:7 ပူးပေါင်းရင်းမြစ်များ

PARJAMITA 10:4

Muda hona muruk ho dibaen raja. Ulang pola pangido maradian markarejo. Haru pe palka hasalaanmu, disesa do i muda tenang ho jana sobar.

DANIEL 2:4

Dialusi halahi ma di hata Aram: “Sai ginjang ma umur ni raja i salolot-lolotna! Patorang ma tu hami nipi i, anso hami patorang muse astuanna.”

DANIEL 2:8

Umbege i dialusi raja i ma, “Tumbuk do songon na nidodo ni rohangki. Hum na palambat-lambatkon do hamu dibaen diboto hamu do haputusanki,

DANIEL 2:9

laho manguhum hamu sude dohot dalan na sarupa muda nada diboto hamu paboahon nipi i tu au. Martahi do hamu torus paoto-otohon au betak sai bia ra au manguba haputusanki. Saonnari, paboa hamu ma nipi i, anso huboto muse nabisa hamu patorangkon astuanna.”

DANIEL 4:7

Tapi di na ro angka partondung, na malo manjampi, angka halak Kasdim dohot angka halak na umboto parhalaan jana hupaboa nipingki tu halahi, sahalak pe nada adong na malo patorangkon astuanna.