DANIEL 2:48 - BIBEL JAMITA NA DENGGAN

⁴⁸ Dung i dilehen ia ma di si Daniel pangkat na gincat, dileheni ia angka silua na jeges-jeges, jana diangkat ia si Daniel gabe pangarajai ni Babel lalu dibaen ia gabe pamimpin ni sude panuturi ni raja.

DANIEL 2:48 ပူးပေါင်းရင်းမြစ်များ

2 SAMUEL 19:32

Ma matobang situtu si Barsilai, ma pola marumur ia salapan pulu taon. Na kayo situtu do ia jana salolot maringanan di Mahanaim raja i najolo, si Barsilai ma na paradehon sipanganon di raja i.

2 RAJA-RAJA 5:1

Si Naaman, i ma panglima ni tentara Siria. Holong do roha ni raja ni Siria i mida ia jana diargahon do ia. Harana markite-hite si Naaman, madung dilehen Tuhan hamonangan di tentara Siria. Hape marnyae hulit na jorbut ma si Naaman panglima ni tentara i.

JOB 1:3

Tamba ni i bahat do angka naposonia, pitu ribu biri-birinia, unto tolu ribu, lombu saribu dohot halode lima ratus. Pendek hata dohonon, ia ma na kumayo sian sude halak na maringanan di Luat Habincaran.

JEREMIA 5:5

Dumengganan ma au kehe tu angka halak na godang anso mangkatai dohot halahi. Anggo halahi pasti diboto halahi sanga aha hagiot ni Tuhan Debata ni halahi.” Hape halahi sude pe nada ra diparenta Tuhan; nada ra halahi mangoloi Ia.

DANIEL 2:6

Tapi muda dapot hamu do, lehenonku ma tu hamu silehen-lehen na denggan dohot hasangapan. Antong, paboa hamu ma saonnari nipingki dohot astuanna!”

DANIEL 3:1

Di sada hatiha, dibaen Raja Nebukadnesar ma sada patung sian sere 27 meter gincatna jana godangna hira-hira 3 meter. Di napa Dura na di propinsi Babel do i dipajongjong ia.

DANIEL 3:12

Hape adong do piga-piga halak Jahudi na niangkat ni raja i mamarenta di propinsi Babel na manggagai parenta ni raja i. I ma si Sadrakh, si Mesakh dohot si Abednego. Nada ra halahi marsomba angka debata ni raja i jana nada ra muse halahi manyomba patung sere na nipajongjong ni raja i.”

DANIEL 3:30

Dung i dipanaek raja i ma pangkat ni si Sadrakh, si Mesakh dohot si Abednego, gabe angka parpangkat na gincat ma halahi di propinsi Babel.

DANIEL 4:6

Jadi hupio ma angka halak na malo na adong di Babel laho patorangkon tu au astuan ni nipingki.

DANIEL 4:9

“Ale Beltsasar, pamimpin ni angka halak na marilmu, huboto do na nirajaan ni tondi ni angka debata na badia ho, jadi nada adong rahasia na buni di ho. Tangihon ma nipingkon jana patorang ma astuanna.

DANIEL 5:11

Angke adong do di harajaan ni raja i sada bayo na nirajaan ni angka tondi ni debata na badia. Taran amanta ni raja i mamarenta tarida do bahaso na tutu bayo i maniop hapistaran, parbinotoan dohot bisuk, tudos tu habisuhon ni angka debata. Amanta ni raja i Raja Nebukadnesar madung mangangkat bayo i gabe pamimpin ni angka na malo manjujur, na malo marjampi-jampi, angka halak na marilmu dohot angka na umboto parhalaan.

DANIEL 5:16

On dope hubege paboa na malo ho mambuka sandok rahasia dohot pasidungkon angka soal-soal na maol. Muda malo ho mambasa surat on dohot paboahon astuanna tu au hulehen pe di ho pakean harajaan baju juba na bunga torung dohot borgok sere tanda ni hasangapan. Tamba ni i, huangkat pe ho gabe parkuaso na patoluhon di bagasan harajaanku.”

DANIEL 5:29

Manigor diparentahon si Belsasar ma angka pagawenia anso dipapakehon tu si Daniel baju juba na bunga torung jana dibaen borgok sere tu rungkungnia. Jadi diangkat ia ma si Daniel gabe parkuaso na patoluhon di bagasan harajaannia i.

DANIEL 5:7

Mangarar ma ia lalu mangido anso dipiohon angka datu na malo manjujur, na malo marjampi-jampi dohot na umboto parhalaan. Dung ro halahi, didok raja i ma, “Sanga ise na malo mambasa suratan i dohot paboahon astuanna tu au, lehenonku ma pakean harajaan, i ma baju juba na bunga torung dohot borgok sere tanda ni hasangapon. Tamba ni i angkatonku ma ia gabe parkuaso na patoluhon di bagasan harajaanku.”

DANIEL 8:27

Dung i gale ma hulala lalu marnyae ma au adong piga-piga ari. Dung i jongjong ma au jana hukarejohon angka karejongku di raja i. Tapi sai susa do rohangku mamikirkon angka parnidaan i jana nada tarastui au.

BILANGAN 24:11

Saonnari mulak ma ho. Madung hujanjihon mangalehen upamu, tapi nada diisinkon Tuhan jagitonmu upa i.”

1 SAMUEL 17:25

“Ligi ma!” ninna halahi na sada tu na asing. “Bege ma pangalap-alapinia i! Madung dijanjihon si Saul rajanta i, sanga na ise pe na mamunu si Goliat, dapotan upa na godang. Tola muse ma buatonna boru ni raja i. Jana malua ma sian pajak amangna i.”

1 SAMUEL 2:8

Sian abuan diangkat Ia halak na so mararta sian pardangolan halak na bile dipalua Ia. Dibaen Ia halahi dongan ni angka na mora-mora, jana dilehen muse juguhan na sangap. Debata do nampuna ojahan ni portibi on dipajongjong Ia di ginjangna tano on.

1 SAMUEL 25:2

Di hatiha i adong do sada bayo di Maon, nampuna usaho di lambung kota Karmel. Na kayo do ia jana adong do tolu ribu biri-birinia dohot hambengnia saribu. Sanoli manggusting imbulu ni biri-birina do ibana di Karmel.