DANIEL 2:37 - BIBEL JAMITA NA DENGGAN

³⁷ Na niparsangapan, raja i ma raja ni sandok raja; raja i do na sumangap. Dilehen Debata na di banua ginjang i do tu raja i harajaan on, kuaso, gogo dohot hagodangan.

DANIEL 2:37 ပူးပေါင်းရင်းမြစ်များ

1 RAJA-RAJA 4:24

Sude tano na di Hasundutan ni Batang aek Efrat sian Tifsah di Efrat lalu tu Hasundutan ni kota Gasa dirajai si Salomo. Sude raja na di Hasundutan ni Efrat tunduk do tusia jana sude harajaan hombar balokna mardame do dohot ia.

2 RAJA-RAJA 25:28

jana denggan dibaen tusia. Dilehen ia ma tu si Joyakin pangkat na gumincat sian angka raja na asing na dohot tarbuang tu Babel.

2 JUJUR TAON 36:23

“On ma parenta ni si Kores, raja ni Persia! Madung dibaen Tuhan, Debata na markuaso di banua ginjang au gabe raja di portibi on sudena, jana disuru Ia do au laho mambangun bagas diSia di Jerusalem na di Luat Juda. Jadi, saonnari hamu sudena anggota ni bangso ni Debata, angkon mulak hamu tusi! Sai didongani Tuhan Debatamunu i ma hamu.”

ESRA 1:2

“On ma parenta ni si Kores, raja ni Persia. Madung dibaen Tuhan, Debata Na Markuaso di banua ginjang au gabe raja di sandok portibi on, jana ditugaskon do au laho mambangun sada bagas diSia di Jerusalem na di tano Juda.

ESRA 7:12

“Sian Raja Artahsasta tu Malim Esra, Ahli Uhum Ni Debata na markuaso di banua ginjang.

MASMUR 62:11

Piga-piga noli ma hubege didok Debata, anggo kuaso na sian Ia do asalna,

PODA 8:15

Hubantu do angka raja mandalankon pamarentaon angka parkuaso hutolong manjongjongkon hatigoran.

JESAYA 10:8

Dipaginjang ia ma rohania, ning ia ma, “Raja do sude angka panglimangku!

JESAYA 47:5

Tu Babel, “Juguk ma ho hohom jana masuk tu hagolapan, ale boru Kasdim! Nada tandaon be ho marhite goar: ‘Ratu ni angka bangso.’

JEREMIA 28:14

Songon on ma didok Tuhan, Debata ni Israel, na giot baenonNia ma auga bosi tu tangkuhuk ni sude bangso on, jana tunduk ma halahi sude mangoloi tu si Nebukadnesar, raja ni Babel. Laing didok Tuhan muse do, binatang panyoro pe pasahatonNia do tu toru ni kuaso ni si Nebukadnesar.”

JEREMIA 34:1

Di na ro si Nebukadnesar raja ni Babel rap dohot angka paranganna na nitambaan ni angka tentara na sian sude bangso dohot harajaan na tunduk tusia mamorangi Jerusalem dohot angka kota na humaliangna, mangkuling ma Tuhan tu au.

JEHESKIEL 26:7

Didok Tuhan Debata i ma, “ObanonKu ma Raja Nebukadnesar sian Babel mamorangi ho ale Tirus. Ro ma raja na gumogo i sian Utara mardongan tentara na bahat, dohot kudo na bahatan maradu angka kareta porang songon i muse parangan na markudo.

DANIEL 1:2

Dipaloas Tuhan do ia manaluhon Raja Joyakim dohot mangarampas deba sian angka barang sigodang arga na di Bagas Ni Tuhan. Angka halak na nitabannia, dioban ia ma i tu bagas parsombaan ni debatana di Babel jana angka barang-barang na nirampasnia i disimpan ia ma i di bagasan bagas parsombaan i.

DANIEL 2:31

On ma parnidaan na niida ni raja i: Adong sada patung di jolo ni raja i! Na lobi godang patung i, jana marlinang-linang, jana na sun jorbut rupana.

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

DANIEL 4:19

Umbege i, tarsonggot jana longang ma sangombas si Daniel na nigoaran muse si Beltsasar. Jadi au Raja Nebukadnesar, hudok ma tusia, “Beltsasar, ulang pola susa rohamu hara ni nipi i dohot astuanna.” Dialusi si Beltsasar ma, “Rajanami, denggan ma i sugari nian tu angka musu ni raja i ma masa angka na tarjadi na nipaboa ni nipi i jana ulang ma nian tu raja i.

DANIEL 4:22

O rajanami, raja i ma da hayu na gincat i. Sai martamba do hagodangan ni raja i lalu tu langit jana mabidang do kuaso ni raja i lopus tu ujung ni tano on.

DANIEL 4:25

Paoroton ma raja i sian tonga-tonga ni parngoluon ni jolma, jana mangolu di tonga-tonga ni angka binatang noma di padang. Pitu taon honokna sai mangan ruput raja i songon lombu jana modom di tano lapang na so martarup, gabe marombun-ombun. Dung salpu i, okuon ni raja i ma paboa na markuaso do Na Gumincat i di ginjang ni harajaan ni jolma, jana dilehen Ia harajaan i tu sanga ise sajo na nitodo ni rohaNia.

DANIEL 4:3

Halongangan situtu ma da tanda na nibaenNia! Hahomangan godang do di roha na nipatupaNia! Mamarenta salolot-lolotna do Debata! Markuaso do Ia sapanjangna.”

DANIEL 4:32

Paoroton ma ho sian parngoluon ni jolma, jana mangolu di padang-padang ma ho songon angka binatang. Pitu taon honokna mangan ruput noma ho songon lombu. Dung salpu i okuonmu ma na markuaso do Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.”

DANIEL 4:34

“Dung salpu hatiha sipitu taon i, hupadorgak ma tu langit gabe sumuang ma torang rohangku. Jadi hupuji ma Na Gumincat i. Hupasangap jana hupagodang ma na Tongtong Mangolu i, Mamarenta noma Debata salolot-lolotna. Markuaso do Ia sapanjangna.

DANIEL 5:18

Dibaen Debata Na Gumincat i do si Nebukadnesar simatobang ni raja i gabe raja bolon jana dilehen tusia hagodangan bope habonggalan.

DANIEL 7:14

Dilehen do tusia hasangapan dohot kuaso songon raja, jadi unduk ma tusia angka jolma sian sandok bangso, marga ni bangso dohot hata na marragam-ragam. Manongtong do kuasonia i salolot-lolotna, nada dirampas be sian ia harajaan.

HOSEA 8:10

Tapi saonnari palagutonKu noma halahi jana nada be angkaton ni halahi sandiri raja sanga angka pamimpin ni halahi. Nada sadia honok nari ganggu ma halahi hara ni na hancitan, muda jabat ro raja ni Asur mamisat halahi.

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

JOHANNES 19:11

Dialusi Jesus ma, “Anggo na so dilehen Debata do kuaso di ho, nada adong kuasomu tu Au. Hara ni i gumodang do dosa ni na pasahatkon Au tu ho ulang pado ho.”

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”

HALUMBAAN 4:11

“Ale Tuhan, jana Debatanami, na tama do Ho manjagit puji-pujian, hasangapan, dohot kuaso, angke ditompa Ho do sandok jana markite-hite rohaMu do adong sudena i jana nitompa.”

HALUMBAAN 5:12

Dung i digogoi halahi ma sora ni halahi marende, “Anak Ni Biri-biri na dung nisambol i, Ia do na markuaso; na mora na bisuk jana na gogo; na patut nipasangap, nipagodang jana nipuji-puji!”