DANIEL 2:35 - BIBEL JAMITA NA DENGGAN

³⁵ jana maropuk ma bosi, tano liat, tumbaga, perak dohot sere i songon abu di pardegean ni gandum taran di logo ni ari. Marhabangan ma abu na i diombus angin, lopus nada adong be partinggalna. Tapi anggo batu na godang na mangunggalkon patung i gabe sagodang ni dolok jana gabe digohi ma tano on.

DANIEL 2:35 ပူးပေါင်းရင်းမြစ်များ

JOB 6:17

Disi dapot logo ni ari, mago ma ambolas dohot es so marpartinggal. Ondolan ni batang aek gabe talanjang, mahiang jana mangkarogang.

MASMUR 103:16

muda diombus alogo, manigor mago ma ia, nada adong be marnidasa mangulaki.

MASMUR 22:27

Ingoton ni sude bangso ma Tuhan, sian desa na walu halahi marroan, sude horong ni bangso mulak ma tuSia, lalu marsomba tuSia.

MASMUR 37:10

Manigor tibu do mago anggo parjahat, muda nijalahan, nada be ia haidaan.

MASMUR 37:36

Di na mamolus au, nada be adong ia hujalahi hape nada dapot au be ia.

MASMUR 46:9

Diantak Ia do parporangan di tano on sudena, diropuk Ia angka parkokas ni porang jana ditutungi Ia.

MASMUR 66:4

Sude tano on tunduk marsomba di adopanMu, marende do halahi mamuji goarMu.

MASMUR 86:9

Ale Tuhan, giot marroan sandok bangso na nijadihonMu, laho marsomba Ho jana mamuji hagodanganMu.

JESAYA 11:9

Di sude dolokKu na badia, nada adong na jahat sanga pe mara, gok parbinotoan taringot tu Tuhan ma angka luat, songon aek na manggohi dano mangalantap.

JESAYA 8:9

Marlagut ma hamu mardongan biar, hamu ale angka bangso! Tangihon ma ale ujung ni portibi on. Marbobat jana mabiar ma, marbobat jana mabiar ma!

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

HOSEA 13:3

Jadi hara ni i angkon mago ma angka jolma i songon nambur jana songon ombun manyogot. Songon durame di pardegean ma halahi na niombus ni alogo jana songon timus na ruar sian tataring.

MIKA 4:13

Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”

ZAKARIA 12:3

Tapi muda dung dapot ari i, baenonKu ma Jerusalem songon batu na dokdok, sanga bangso dia pe na mancubo mangangkatsa, gabe dapotan hamamago. Mardomu ma sandok bangso na di tano on laho mamorangi Jerusalem.

1 KORINTUS 15:25

Mamarenta ma Kristus lopus sude musuNia i tunduk tuSia baenon ni Debata.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 12:8

Tapi ditaluhon do naga i. Nada dipatola be ia dohot angka surusuruannia i maringanan di banua ginjang.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.