34 Taran manatap raja i tu patung i, magulang ma sada batu sian dolok-dolok, nada adong halak mandabuhonsa, ditondong ma patna na sian bosi dohot tano liat i, gabe maropuk,
Hara ni i songon on ma didok Tuhan Debata, “BaenonKu ma ojahan na togu jana na tohong di Sion; di gincat ni batu parsuhi na arga i suratkononKu ma: ‘Haporsayaan na togu, padao ganggu ni roha.’
Sanoli nari disuhat ia ma lima ratus meter nari, jana mabagastu do disi aekna i anggo boluson mardalan pat. Muda giot taripar halak disi angkon marlange noma i.
Lehenon noma tu bangso ni Debata Na Gumincat i kuaso dohot hagodangan ni sude harajaan na di tano on. Nada marujung be kuaso ni halahi laho mamarenta jana sandok parkuaso na di tano on unduk noma tu halahi di bagasan haburjuon.
Dibaen malo do ia manipu, sai tulus do angka sipaoto-otonia. Dihaginjangkon ia ma dirinia, jana nada pola jolo mangalehen sipaingot matehononnia ma bahat jolma. Salang Raja ni sandok raja pe dialo ia do. Tapi roncohonon do ia nada pola hara ni gogo ni jolma.
Tapi muda dung dapot ari i, baenonKu ma Jerusalem songon batu na dokdok, sanga bangso dia pe na mancubo mangangkatsa, gabe dapotan hamamago. Mardomu ma sandok bangso na di tano on laho mamorangi Jerusalem.
Disuru surusuruan i ma au palaluhon tu si Zerubabel tona ni Tuhan songon on, “Nada markite-hite gogo ni parangan jana nada muse marhite hagogoonmu sandiri gabe manjadi karejomu, tapi marhite tondingKu do ninna Tuhan Na Markuaso.
Au pe Hudok ma tu ho, ‘Si Petrus’ do ho (artina ‘Batu na pir’). Di ginjang ni batu on ma pajongjongKu parlagutanKu na so tartaluhon; sanga na hamatean pe na ro i!
Angke hita boto do, muda dibungkar bandar na taingani na saonnari, i ma pamatang na sian tano on, adong do di hita sada bagas na sian Debata, na so dipature ni tangan ni jolma, na salolot ni lolotna di banua ginjang.
Harana anggo Bilik Na Sun Badia na nipature ni jolma i hum na manggambarkon Inganan Na Badia na satutuna i do i. Banua Ginjang i do na nimasuhan ni Kristus; disi ma Ia saonnari mangadop tu Debata laho manyarihon hita.
Na arga situtu do batu i di hamu na porsaya. Tapi anggo di halak na so porsaya, tulus ma na nidok ni Buku Na Badia i na mandok, “Batu na niambungkon ni angka tukang i, madung gabe batu parsuhi. Batu i ma na mambaen halak tartuktuk, batu na mambaen halahi gabe tinggang.”
Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”
Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”