DANIEL 2:31 - BIBEL JAMITA NA DENGGAN

³¹ On ma parnidaan na niida ni raja i: Adong sada patung di jolo ni raja i! Na lobi godang patung i, jana marlinang-linang, jana na sun jorbut rupana.

DANIEL 2:31 ပူးပေါင်းရင်းမြစ်များ

JESAYA 13:11

“ParoonKu ma mara tu portibi on jana uhumanKu ma sude halak na jahat hara ni angka dosa ni halahi. Sanga ise siginjang roha Hupatutoru, halak na gakgak dohot na kejam uhumonKu.

JEHESKIEL 28:7

tongosonKu ma tentara ni musu na lobi jingar laho mamorangi ho. Roncohonon ni halahi ma sude hajagaran na dung dapot ho hara ni hamaloon dohot na nibotomu.

DANIEL 2:36

I ma nipi ni raja i, jana hupatorang ma saonnari astuanna.

DANIEL 2:37

Na niparsangapan, raja i ma raja ni sandok raja; raja i do na sumangap. Dilehen Debata na di banua ginjang i do tu raja i harajaan on, kuaso, gogo dohot hagodangan.

DANIEL 3:1

Di sada hatiha, dibaen Raja Nebukadnesar ma sada patung sian sere 27 meter gincatna jana godangna hira-hira 3 meter. Di napa Dura na di propinsi Babel do i dipajongjong ia.

DANIEL 4:36

Dung sumuang torang rohangku, gabe dipaulak ma tu au hagodangan, habonggalan dohot barita ni goarku. Disambut angka pagawe dohot angka na marpangkat au jana dipaulak ma tu harajaanku, mur tu godangna noma tehe sian na salpu.

HABAKUK 1:7

Jorbut jana sihabiaran do bangso i, hasintongan dohot habonggalon ia do na manontuhon.

MATEUS 4:8

Dung i dioban Sibolis ma Jesus mangulahi tu sada dolok na gincat situtu. Dipatidahon Sibolis i ma tuSia sian i sude harajaan na di portibi on dohot sude hasangapanna.

LUKAS 4:5

Dung i dioban Sibolis i ma Jesus tu inganan na gincat. Dipatidahon Sibolis i ma santongkin tu Jesus sude harajaan na di tano on.